Փաստ ինֆո

Նիկոլ Փաշինյանը հաստատում է ադրբեջանցիների արտահոսքն այն մասին, որ Հայաստանում իր իշխանությունն ամրապնդելու համար համագործակցել է Ալիևի հետ ու նրա վարչակազմի հետ,- հայտարարել է քաղաքագետ Հրանտ Մելիք-Շահնազարյանը։

«Վարչապետը հաստատում է նաև այն տեղեկությունները, որ ի դեմս Արսեն Խառատյանի, գաղտնի «էմիսար» է ուղարկել ադրբեջանցիների մոտ, որ խելք խելքի տան, մտածեն, թե ոնց են խաբում Ռուսաստանին ու հաշտություն կնքում Ադրբեջանի հետ։ Այս ամենը Փաշինյանը «կոնֆիդենցիալ ինֆորմացիա» է կոչում ու սպառնում Ալիևին, որ եթե վերջինս շարունակի այն բացահայտել, ուրեմն ինքն էլ իր բաժինը կբացահայտի»,- նշել է քաղաքագետը։

Հիշեցնենք, որ երեկ ադրբեջանական լրատվամիջոցները տեղեկություններ էին տարածել, որ Ալիևի և Նիկոլ Փաշինյանը գաղտնի բանակցում են բանագնացների միջոցով։ Հայկական կողմից, ըստ տեղեկությունների, բանակցություններին մասնակցել էր վարչապետի նախկին խորհրդական Արսեն Խառատյանը, իսկ այսօր ԱՀ ԱԺ պատվիրակության հետ պանդիպման ժամանակ ՀՀ վարչապետ Նիկոլ Փաշինյանը հայտարարել է, որ Ադրբեջանի ռազմաքաղաքական ղեկավարությունը նոր կոմպոնենտ է մտցրել քարոզչական արշավի մեջ, այսպես ասած՝ կոնֆիդենցիալ ինֆորմացիաների բացահայտում։

«Ես ադրբեջանցի գործընկերներին խորհուրդ եմ տալիս չգնալ այդ ճանապարհով, որովհետև եթե մտանք այդ դաշտ, սկսեցինք կոնֆիդենցիալ ինֆորմացիաներ տարածել, վախենամ՝ դրանից Ադրբեջանի ներքաղաքական վիճակը հուսահատորեն ապակայունանա»,- նշել է երկրի վարչապետը։

Արձագանքելով Փաշինյանի հայտարարությանը՝ Հ.Մելիք-Շահնազարյանը նշել է. «Բայց սա դեռ ամբողջը չէ։ Ուրեմն պարզվում է, որ Փաշինյանը Ալիևի հետ բանակցում է ոչ թե 90-ականների սկզբի պատերազմի արդյունքները ամրագրելու, այլ մեր նահանջն ու զիջումները սիրուն փաթեթավորելու համար։ Սա է ՀՀ վարչապետի՝ «Ղարաբաղի հարցը չունի ուժային լուծում» բանաձևի հասկացած տրամաբանությունը։ Ասում է, եթե ուժային լուծում ունենար, դե էնա արցախցիները հարցը լուծված կհամարեին, էլ ինչու՞ ենք բանակցում։ Ու հիմա ինձ մոտ հարց է առաջանում՝ Փաշինյանն իսկապես անմեղսունա՞կ է, թե սովորական դավաճան»։

Մանրամասները՝ տեսանյութում

Աղբյուր` Փաստինֆո