Փաստ ինֆո

Այն, ինչ արվում է հանուն ժողովրդի, հանուն ազգի, հանուն պետության ինձ համար հպարտություն է, պատմություն է։ Այս մասին դատարանի բակում լրագրողների հետ զրույցում ասաց «Բարգավաճ Հայաստան» կուսակցության ղեկավար Գագիկ Ծառուկյանը՝նշելով, որ հուլիսի 5-ից հետո իր նկատմամբ քաղաքական հետապնդում է իրականացվում։

Ծառուկյանի փոխանցմամբ՝ Հայաստանում 2008թ առ այսօր ընտրակաշառքի վերաբերյալ 7 դեպք է եղել, որոնցից ամենախիստ խափանման միջոցը եղել է ստորագրությունը, բայց այսօր նրան ցանկանում են կալանավորել, որ չխոչընդոտի քննությանը։
«Ժողովուրդ, երեք ամիս դուրսն եմ, 100 հատ քննիչ է կցած, մոտ քանի հազար մարդ են քննել, Ծառուկյանի դեմ ցուցմունք չկա»,- ասաց Ծառուկյանը։

Ըստ Ծառուկյանի՝ հեղափոխությունից հետո միայն խոստումներ են եղել, երեք տարի է ժողովուրդը սպասում է, այսօրվա պես խայտառակ վիճակ չի եղել։

Անդրադառնալով հոկտեմբերի 8-ին նախատեսված հանրահավաքին՝ Ծառուկյանը նշեց, որ քաղաքացիների վիճակը ծանր է և խնդրեց «Իմ քայլականներին»՝ բարի լինել և շփվել վարչական շրջաններում, գյուղերում, համայնքներում մարդկանց հետ և տեսնեն, որ մարդիկ էլ ճար չունեն։

«Այն սպասելիքները, խոստումները, հեքիաթները, բաժակաճառերը, որոնք ասել են, օդ է»,-ասաց նա։

Մանրամասները՝ տեսանյութում։

Աղբյուր` Փաստինֆո