Փաստ ինֆո

ԲՀԿ խմբակցության ղեկավար Գագիկ Ծառուկյանի փաստաբանները ինքնաբացարկի միջնորդություն են ներկայացրել Երեւանի ընդհանուր իրավասության դատարանի դատավոր Մնացական Մարտիրոսյանին։ Այս մասին լրագրողներին տեղեկացրեց պաշտպան Երեմ Սարգսյանը։

Պաշտպանական կողմը համոզված է՝ հատուկ քայլեր են կատարվել Գ.Ծառուկյանի կալանավորման միջնորդության երկրորդ քննարկումը հենց Մնացական Մարտիրոսյանին հանձնելու համար։

«Փաստական տվյալներ ունենք, որ Վճռաբեկ դատարանի աշխատակիցներին հանձնարարություն է տրվել, որ անձամբ գնան փոստային բաժանմունք և ստանան պաշտպանի կողմից՝ Վճռաբեկ դատարանի որոշումը ստանալու վերաբերյալ հետադարձ ծանուցումը հաստատող փաստաթուղթ։ Այս մասին լրագրողների հետ զրույցում ասաց Գագիկ Ծառուկյանի պաշտպանական խմբի անդամ Երեմ Սարգսյանը։

«Պատկերացնում եք, չէ՞ , Վճռաբեկ դատարան, աշխատակիցն անհանգստացած է՝ պաշտպանը ստացավ որոշումը, թե ոչ, որովհետև երկօրյա ժամկետների խնդիր կար, եթե պաշտպանն ուշ է ստանում, իրենց բոլոր ժամկետները խաթարվում են և չեն կարողանում կոնկրետ ժամկետի մուտքագրեն այստեղ, որ Մնացական Մարտիրոսյանին մակագրեն »,- ասաց Սարգսյանը՝ ընդգծելով, որ կա ակնհայտ շահագրգռվածություն կա, որոշ անձինք հանձնարարում են, որ արագություն ապահովեն և այդ ամենն արվում է, որ որոշումը կայացվի կոնկրետ ժամկետում։

Մասնավորապես, բոլոր որոշումները փոստով ուղարկել են, իսկ գործը մնացել է Վճռաբեկ դատարանում, ապա առձեռն մուտքագրվել է հենց Կենտրոնի նստավայր։

«Որ հանկարծ փոստով չուղարկեն, ժամկետների խնդիր չլինի և հանկարծ այնպես չստացվի, որ այլ դատարանի հերթապահության օրով լինի և, հատկապես, այստեղ հերթապահություն լինի և մակագրվի Մարտիրոսյանին»,- ասաց Սարգսյանը՝ հավելելով, որ Մնացական Մարտիրոսյանն էլ հասկացել է, որ սեպտեմբերի 23-ին չեն կարող փոստային առաքման միջոցով ծանուցել, այնուամենայնիվ, դատական նիստի օր է նշանակել սեպտեմբերի 23-ին։

Նշենք, որ դատական դեպարտամենտը հայտարարել էր, որ դատական նիստի մասին ծանուցել են «Վայբեր» հավելվածի միջոցով, ինչի մասին պաշտպանական կողմը հետագայում է իմացել։ Բացի դա՝ դատական նիստի հետաձգվելուց հետո էլ որոշվում է, որ սեպտեմբերի 25-ի համար ԱԱԾ ծառայողները՝ ավագ օպերլիազորը պետք է ծանուցում ներկայացնի։ «Չեն պատկերացնում, թե որն է ԱԱԾ-ի իսկական գործառույթները»,- հայտարարեց փաստաբանը։

Մանրամասները՝ տեսանյութում

Աղբյուր` Փաստինֆո