Փաստ ինֆո

Խորհրդային Միության առաջին եւ միակ նախագահ Միխայիլ Գորբաչովը պաշտպանել է Բելառուսի ցուցարարներին «Կեցցեն բելառուսները» բառերով: Սակայն նրանք դեռ «պետք է աշխատանք թափեն», նշել է քաղաքական գործիչը «Подъем» պարբերականի հետ զրույցում։

«Իմ հարգարժան Հանրապետությունն ու բելառուսները, որոնց ես սիրում եմ։ (...) Այժմ նրանք արդեն ունեն բնավորություն: Դա շատ լավ է: Ես ուշադիր հետեւում եմ: Այսօր նկարագրում են այն, ինչ տեղի է ունեցել նախօրեին՝ գրողը տանի, ի՞նչ է սա: Ես կարծում եմ, որ դա այնքան էլ հեշտ չի անցնի. ինչ տեղի է ունեցել այս օրերին, ինչպես նաև ընտրությունների ձևավորման հետ կապված», — ասել է Գորբաչովը։

Քաղաքական գործչի կարծիքով՝ Բելառուսում «հսկայական գործ է բացվում»։

Բողոքի ցույցերը երկրում շարունակվում են արդեն երկրորդ ամիսն է։ Մասնակիցները անվստահություն են հայտնում օգոստոսի 9-ին կայացած նախագահական ընտրությունների պաշտոնական արդյունքներին եւ պահանջում են գործող նախագահ Ալեքսանդր Լուկաշենկոյի հրաժարականը եւ արդար քվեարկության անցկացում: Մինսկում հերթական բողոքի ակցիաները տեղի են ունեցել սեպտեմբերի 23-ին Լուկաշենկոյի գաղտնի երդմնակալությունից հետո:

Աղբյուր` Փաստինֆո