Փաստ ինֆո

Ավստրալական Նոր Հարավային Ուելս նահանգի զույգը սխալմամբ խանութում գնել է այլ ապրանքն ու հարստացել, գրում է Lenta.ru-ն՝ հղում անելով The Lott տեղեկատվական պորտալին։

Ավստրալացիները, որոնք ցանկացել են պահպանել անանունությունը, մտել են Քվինսլենդ նահանգի Էմերալդ քաղաքի խանութ՝ ճանապարհորդության ժամանակ։ Այնտեղ նրանք սխալմամբ վիճակախաղի տոմս են ձեռք բերել սեպտեմբերի 12-ի համար, թեեւ ի սկզբանե ծրագրում էին մասնակցել այլ խաղարկությանը: Զույգը չի փոխել տոմսը եւ արդյունքում 621,5 հազար ավստրալական դոլար ջեքփոթ է շահել:

«Պատկերացնում եք, իսկ ես պատրաստվում էի տոմս գնել մեկ այլ խաղարկության համար։ Ըստ էության, ես վերցրեցի ոչ այն տոմսը, - խոստովանել է հաղթողներից մեկը»։ «Դա բացարձակ սխալ էր, շատ լավ սխալ»:

Շահած գումարով սիրահարները մտադիր են շարունակել իրենց ճամփորդությունը։ Մրցանակի մի մասը նրանք ցանկանում են կիսել ընտանիքի հետ, իսկ մնացած գումարը մի կողմ դնել ապագայի համար։

Ավելի վաղ հաղորդվել էր ԱՄՆ Միչիգան նահանգի Ալպինա շրջանի բնակչի մասին, որը խանութում անհրաժեշտ ապրանք չի գտել, գնել է փոխարինողը եւ դարձել է դոլարային միլիոնատեր: Գնորդը մտել է տեղական խանութ, որպեսզի ձեռք բերի ակնթարթային վիճակախաղի 10 դոլարանոց տոմս։

Աղբյուր` Փաստինֆո