Փաստ ինֆո

ԱՄՆ-ը այդպես էլ չի գտել «Թալիբան» ահաբեկչական խմբավորման հետ Ռուսաստանի դավադրության ապացույցներ։ Այդ մասին հայտարարել է ԱՄՆ պաշտպանության նախարարի՝ Հնդկական և Խաղաղ օվկիանոսի տարածաշրջաններում անվտանգության հարցերով, օգնականի պաշտոնակատար Դևիդ Հելվին Կոնգրեսի Ներկայացուցիչների պալատի Ազգային պաշտպանության կոմիտեի նիստում:

«Այն բանից հետո, երբ հայտնվեցին ռուսական ծրագրերի վերաբերյալ այդ տվյալները, մենք փորձեցինք բացահայտել հաստատող տեղեկատվությունը։ Մենք այն դեռ չենք գտել», - ընդգծել է նա։

Սեպտեմբերի 15-ին ԱՄՆ-ի կենտրոնական հրամանատարության հրամանատար գեներալ Քենեթ Մաքքենզին ընդունել է «Թալիբան» (արգելված է Ռուսաստանում) ահաբեկչական խմբավորման հետ Ռուսաստանի դավադրության ապացույցների բացակայությունը: Նա նշել է, որ թեման փակված չէ, եւ ամերիկյան կողմը շարունակում է ապացույցներ փնտրել։

The New York Times-ը հունիսի 26-ին, վկայակոչելով հատուկ ծառայությունները, հայտնել է, որ ռուսական ռազմական հետախուզությունը գաղտնի առաջարկել է վճարել Աֆղանստանում ամերիկացի զինծառայողների սպանության համար: Այսպիսով Մոսկվան, իբր, ցանկանում էր խափանել ԱՄՆ-ի խաղաղ բանակցությունները «Թալիբանի» հետ, ասվում էր հրապարակման մեջ:

Ռուսաստանում մեղադրանքներն անհիմն են անվանել։ Տեղեկությունների հավաստիությունը դժվարացել են հաստատել նաեւ ամերիկյան տարբեր կառույցներ, սակայն ամերիկյան հետախուզական հանրությունն ապացույցները բավական համոզիչ է համարում:

Աղբյուր` Փաստինֆո