Փաստ ինֆո

ԵԿՄ նախագահ, ԱԺ «Իմ Քայլը» խմբակցության պատգամավոր Սասուն Միքայելյանը Եռաբլուրում էր։ Լրագրողների հետ զրույցում Միքայելյանը նշեց՝ եթե չլիներ համախմբվածությունը, չէինք ունենա անկախություն։

«29 տարի առաջ այս օրը հիմք դրվեց մեր անկախության։ Եթե չլիներ արցախյան ազատամարտը, համախմբվածությունը, մենք չէինք ունենա պետականություն, անկախություն։ Երկրապահը մեծ առաքելություններ ունի. գերնպատակն է՝ սրբորեն պահել եռաբլուրը, որը հիմքն է մեր անկախության։ Երկրապահը մեծ դեր ունի, չի կարելի մի քանի հոգու արած գործով ջնջել երկրապահը։ Երկրապահը միշտ պետք է պատրաստ լինի ԱՀ, ՀՀ բանակի կողքին՝ որպես ռեզերվ»։

Միքայելյանը նաև անդրադարձավ «Աշխարհազոր»-ի ստեղծմանը, նշելով, որ պատերազմում երկրորդ, երրորդ պլան չկա, պատերազմում ընդհանուր են հաղթում։ Աշխարհազորը երկրապահի հետ չի կապում։

«Երկրապահը աշխարհազորի հիման վրա է ձևավորվել 90-ականներին»,- հիշեցրեց Միքայելյանը,- «Ես կողմ եմ աշխարհազորի ձևավորմանը»։

Հարցին, թե արդյոք պատերազմի վտանգ տեսնու՞մ է, ԵԿՄ նախագահը պատասխանեց.

«Ես պատերազմի վտանգ տեսել եմ 90 թվականից մինչև այսօր, այսօր էլ եմ տեսնում։ Պատերազմը չի ավարտվել հարգելի ժողովուրդ։ Պատերազմը սկսվել է 90-ականներից, մինչև հիմա գնում է։ Եկեք չմասնատենք քառօրյա, Տավուշի դեպքեր, դիվերսիոն հարձակումներ։ Ընդհանուր պատերազմ է, որ չի ավարտվել։ Մենք պետք է համախմբված լինենք»,- հավելեց Միքայելյանը։

Անդրադառնալով ռուսական Դոսյե կենտրոնի հրապարակած զեկույցին՝ ըստ որի, Ռուսաստանը Հայաստանի գրեթե բոլոր կառույցներում ունի գործակալներ, ԱԺ պատգամավորը նշեց, որ Հայաստանի անվտանգությունը, ներքին արտահոսքը կանխելը ԱԱԾ-ի պարտկանությունն Է։

Աղբյուր` Փաստինֆո