Փաստ ինֆո

«Սեպտեմբերն, իհարկե, բեկումնային ամիս է ամբողջ 2020 թվականի պատմության մեջ, որովհետև ևս մեկ ամիս մենք ունենք փայտի ակտիվ էներգիա, որը ակտիվ կերպով բախման մեջ է մտնում մետաղի հետ, իսկ այս տարի հզոր մետաղական տարի է,-«Փաստինֆո»-ի հետ զրույցում ասել է աստղաբան Աննա Հախվերդյանը՝ վերլուծելով սեպտեմբերի երկրորդ կեսին Հայաստանում սպասվելիք աստղաբանական կանխատեսումները,- մինչև սեպտեմբեր ամսվա վերջին պետք է շարունակել զգուշանալ ինչպես ալկոհոլային, այնպես էլ սննդային թունավորումներից»։

Անդրադառնալով աշխարհը ցնցած կորոնավիրուսային վարակի թեմային` աստղաբանն ընդգծում է՝ սեպտեմբերի 10-ից մեկնարկել է Մարս մոլորակի հետընթաց շարժը, որը կձգվի մինչև նոյեմբերի կեսը.« Այս մոլորակներն անմիջական կապ ունեն վարակի զարգացման և տարածման հետ և ծանր մոլորակներ Սատուրինի և Պլուտոնի հետ հակադրության մեջ մտնելով կբերի վարակի աճ։ Սա կանխատեսվում է հատկապես սեպտեմբեր ամսվա երկրորդ կեսին և կտևի մեկ ամիս, ձգվելով մինչև հոկտեմբերի 14-ը, առաջ բերելով, իմ հաշվարկներով, համավարակի երրորդ ալիքի սկիզբը։ Այս ամենը ակտիվ կերպով կշարունակվի մինչև տարեվերջ՝ մինչ Մարս մոլորակը մուտք կգործի Ցուլի համաստեղություն»։

Աստղաբանը նկատում է՝ վերջին շրջանում իրեն բավական հաճախ հնչող հարցերից է՝ որքա՞ն երկար կտևի համավարակը և ինչո՞ւ այն այսքան ընդգծված կերպով արտահայտվեց մեր երկրում.«Սրա բացատրությունը տալիս է չինական մետաֆիզիկան՝ բազի գիտությունը։ Մեր երկրում համավարակի պատկերը կապ ունի Հայստանի Հանրապետության հիմնադրման օրվա՝ սեպտեմբերի 21-ի հետ։ Ըստ չինական ճակատագրի չորս սյուների, Հայաստանի երրորդ հանրապետությունը հիմնադրվել է հենց փայտե ձիու օրը։ Ինչպես արդեն ասեցի, փայտե ձին բախվում է մետաղական մկան հետ, իսկ քանի որ մետաղը փայտիւ ոխերիմ թշնամին է, այսինքն՝ մետաղը հատում է փայտը, այստեղ մենք համավարակով պայմանավորված վտանգավոր դրսևորումներ ունեցանք՝ մեծ ծավալներ, աննախադեպ թվով մահեր և դրանք դեռ կծարունակվեն։ Բացի այդ այս տարի մենք ականատես եղանք նաև սահմանային լարված իրավիճակի, որը նույնպես անմիջական կապ ուներ այս բախման հետ»։

Ըստ աստղաբան Աննա Հախվերդյանի՝ հաջորդ տարին Հայաստանի համար ևս լարված և ծանր կլինի, որովհետև առջևում կրկին մետաղի՝ այս անգամ մետաղական ցլի տարի է, որով պայմանավորված, կորոնավիրուսային համավարակը չի նահանջի երկրում, ընդհանուր լարվածությունը կպահպանվի.«Իհարկե հաջորդ տարի իրավիճակն այն աստիճան ծանր չի լինի, ինչպես այս տարի էր, բայց համաշխահային հզոր ճգնաժամն իր անդրադարձը կունենա նաև մեր պետության համար։ Չինական մետաֆիզիկայի փոխանցած տվյալների հիման վրա հենվելով կարող ենք փաստել, որ կորոնավիորւսային վարակը Հայաստանում ակտուալ կմնա մինչև 2022 թվականի փետրվար ամիսը»։

Ամփոփելով տարին և մոտենալով տարեվերջին, աստղաբանը նկատել է՝ Հայաստանը տարին կփակի առավել լարված տնտեսական և ներքաղաքական իրավիճակով. «Դեկտեմբերին մենք ունենալու ենք առավել ծանր մոլորակների հայտնի միությունը՝ Սատուրնի և Յուպիտերի կապը, որ տեղի կունենա Ջրհոսի զրո աստիճանում, որը ըստ բազմաթիվ տեսաբանների կանխատեսումների՝ հանգեցնելու է համաշխարհային մակարդակով՝ տնտեսական հզոր ճգնաժամի։ Հայաստանի Հանրապետությունը ևս անմասն չի մնա այդ ճգնաժամից։ Մեզ համար այն առավել զգալի կլինի, որովհետև մենք կրկին մկան ամսում կլինենք, այլ կերպ ասած՝ Հայաստանում ճգնաժամն ու լարվածությունն այս տարի իր պիկին կհասնի դեկտեմբեր ամսին»։

Մանրամասները՝ տեսանյութում

Աղբյուր` Փաստինֆո