Փաստ ինֆո

Կենցաղային խնդիրները, բացասական սեռական փորձը, ցավոտ կուսազրկումը, սեռական հարաբերությունը կարող է նվազեցնել սեռական ցանկությունը: Այս մասին «Փաստինֆո»-ի եթերում ասել է բժիշկ-սեքսոելեգ Լուսինե Ստեփանյանը` խոսելով լիբիդոյի, նույն ինքը սեռական ցանկության և նրա խանգարումների մասին:

Լիբիդոն, ինչպես նշել է մասնագետը, չգիտակցված ցանկություն է, որը անձին մղում է սեռական ակտիվության՝ ռեալիզացնելու սեքսուալ պահանջը:
Յուրաքանչյուր անհատի մոտ այն խիստ անհատական է՝ պայմանավորված կոնստիտուցիոնալ և անձնային առանձնահատկություններով:
Սեռական ցանկությունը պայմանավորված է սեռական հորմոններով, իսկ կենտրոնները գտնվում են գլխուղեղում և կեղևային կառույցներում, որոնք էլ պատասխանատու են սեռական վարքի և հույզերի ձևավորման ու կառավարման համար:

Տղամարդկանց և կանանց սեռական ցանկությունն ապահովող գլխավոր հորմոնը տեստոստերոնն է, որը հանդիսանում է սեռական մտերմության, սեքսուալ ֆանտազիաների և մտքերի հիմքը:

Սեռական ցանկության փոփոխությունը 2 սեռերի դեպքում կարող էլինել ֆիզիոլոգիական և ախտաբանական, իսկ պատճառները՝ օրգանական և հոգեբանական:

«Կանանց սեքսուալությունը բարդ է, ի տարբերություն տղամարդկանց : Դա վերաբերվում է նաև սեռական ցանկությանը, որը ենթարկվում է ֆիզիոլոգիական ցիկլիկ՝ փուլային փոփոխությունների ՝ պայմանավորված դաշտանային ցիկլի փուլերով, հղիությամբ, հետծննդաբերական շրջանով, կրծքով կերակրմամբ, կլիմակտերիկ շրջանով, որոնք, իհարկե, խիստ անհատական են», - նշել է մասնագետը` արձանագրելով, որ տղամարդկանց մոտ ֆիզիոլոգիական փուլային փոփոխությունները բացակայում են :

Այս առումով սեքսոլոգը կարևորել է այս առանձնահատկությունների իմացությունը զույգերրի համար, որպեսզի կարողանան ադեկվատ գնահատել սեռական ցանկության բնական փոփոխությունները:

«Սեռական ցանկության ապահովման գործում կարևոր տեղ է զբաղեցնում հորմոնալ բաղադրիչը, հետևաբար վահանագեղձի հիվանդությունների, շաքարային դիաբետի, հիպոգոնադիզմի, դաշտանադադարի, որոշ դեղորայքների, թմրանյութերի և ալկոհոլի օգտագործման ժամանակ կարող են դիտվել սեռական ցանկության փոփոխություններ», - նշել է նա:

Բժշկի խոսքերով` կանայք սկզբնական շրջանում հնարավոր է և չեն նկատում այդ փոփոխությունը և սեռական հարաբերությունը իրականանցնում են զուտ որպես պարտականություն ՝ զուգընկերոջ հետ կոնֆլիկտներից խուսափելու համար: Սակայն, ժամանակի ընթացքում խնդիրները էլ ավելի են խորանում՝ բերելով նրան, որ սկսում են խուսափել ինտիմ մտերմությունից, ընդհուպ մինչև սեքսուալ ավերսիա առաջացման՝ զզվանք սեռական հարբերությունից:

Հոգեբանական գործոնները սեռական ցանկության ձևավորման հարցում ունեն կարևոր նշանակություն:

1.լարված միջանձնային հարաբերությունները

2.կենցաղային խնդիրները

3.բացասական սեռական փորձը

4.ցավոտ կուսազրկումը

5.ցավոտ սեռական հարաբերությունը, իրենց հետքն են թողնում սեռական կյանքի վրա՝ բերելով սեռական ցանկության նվազեցման կամ բացակայության:

Սեռական ցանկությունը օրգանիզմի ներքին հավասարակշռության, միջանձնային հարաբերությունների պահպանման և ամրացման, սերնդաշարունակության հիմքն է:
Հետևաբար, շատ կարևոր է ճանաչել սեփակական ցանկությունները և դրանց մասին խոսել զուգընկերոջ հետ: Այն թույլ կտա խուսափել ոչ միայն խնդիրներից, այլ նաև ավելի լավ ճանաչել զուգընկերոջը, որը հարաբերություններին նոր գույներ կհաղորդի:

«Եթե ունեք խնդիր, ապա պետք չէ թաքցնել և վնասել ինքներդ Ձեզ և Ձեր զուգընկերոջը, քանի որ ժամանակը միայն խորացնում և արմատավորում է այն՝ բերելով զույգային աններդաշնակության և ամուսնալուծությունների առաջացման:

Ցանկացած խնդիր լուծելի է եթե դիմում եք համապատասխան մասնագետին ՝ ճիշտ ժամանակին», - ասել է Լ.Ստեփանյանը:

«Փաստինֆո»- եթերում «Կանանց անկյուն» հաղորդաշարի հաջորդ թողարկման ժամանակ կքննարկվեն դիսպարեունիայի ՝ ցավոտ սեռական հարաբերությանը վերաբերող հարցեր:

Հաղորդաշարին կարող եք հետեւել յուրաքանչյուր շաբաթ` ժամը 19-ին «Փաստինֆո»-ի յութուբյան ալիքում:

Աղբյուր` Փաստինֆո