Փաստ ինֆո

Ադրբեջանի նախագահ Իլհամ Ալիևը բացասաբար է գնահատում ղարաբաղյան հակամարտության կարգավորման շուրջ բանակցությունների ներկա վիճակը և կարծում է, որ դրանք փաստացի կանգ են առել։ Այս մասին հայտնում է ՏԱՍՍ-ը:

«Ես բացասական եմ գնահատում բանակցային գործընթացի ներկա վիճակը։ Կարծում եմ, որ ադրբեջանցի ժողովուրդը լիովին համաձայն է ինձ հետ։ «...» Բանակցությունները փաստացի չեն ընթանում», - ասել է պետության ղեկավարը տեղական հեռուստաալիքներին տված հարցազրույցում:

Ալիևը նշել է, որ իր երկիրը չի մասնակցի խորհրդակցություններին՝ հանուն իմիտացիայի։ «Դա չի նշանակում, որ մենք հրաժարվում ենք բանակցություններից», - ընդգծել է նա: Միևնույն ժամանակ, ըստ նախագահի, քննարկումներին մասնակցությունը հանուն ցուցադրության, ըստ էության, հենց ցուցադրում էլ կլինի:

Նրա կարծիքով՝ Հայաստանի ղեկավարությունը «փաստացի խախտել է բանակցային գործընթացը»։ «Որովհետև նրանց անհեթեթ հայտարարությունները, սադրիչ քայլերը բանակցություններն անիմաստ են դարձնում», - հավելել է Ալիևը։

Հակամարտությունը տարածաշրջանում սկսվել է 1988թ. փետրվարին, երբ Լեռնային Ղարաբաղի Ինքնավար Մարզը հայտարարեց Ադրբեջանական ԽՍՀ կազմից դուրս գալու մասին։ 1992-1994թթ. զինված դիմակայության ընթացքում Ադրբեջանը կորցրել է վերահսկողությունը Լեռնային Ղարաբաղի և հարակից յոթ շրջանների նկատմամբ։ 1992 թվականից բանակցություններ են ընթանում ԵԱՀԿ Մինսկի խմբի շրջանակներում հակամարտության խաղաղ կարգավորման ուղղությամբ՝ երեք համանախագահների՝ Ռուսաստանի, ԱՄՆ - ի և Ֆրանսիայի գլխավորությամբ։

Աղբյուր` Փաստինֆո