Փաստ ինֆո

«Խորհրդարանական նորմալ երկրներում,երբ պատգամավորը համաձայն չէ նախարարի հետ, նախարարն է հրաժարական տալիս, այլ ոչ՝ պատգամավորը։ Մեզ մոտ հակառակն է, պատգամավորն է մանդատը վայր դնում։ Սա աբսուրդ է, եվրոպական երկրներում սա չեն հասկանա»,- նշել է քաղտեխնոլոգ Արմեն Բադալյանը: 

Նա «Փաստինֆոյի» եթերում հիշեցրեց, որ ԿԳՄՍ նախարարն ի դեպ պատասխանել էր պատգամավորին, որ մի քանի ամսվա ընթացքում որևիցե քննարկում չի եղել : Իսկ Ջուլֆալակյանը ի պատասխան որևէ լրատվամիջոցով, այդ հարցի վերաբերյալ, չի հայտնել իր դիրքորոշումը:
Քաղտեխնոլոգի կարծիքով, Արսեն Ջուլֆալակյանի կողմից իր արարքը չմեկնաբանելը հիմք է տալիս կարծելու, որ սա քաղաքական մեծամասնության ցանկությունն է եղել:

«Երբ պատգամավորը հստակ չի պատճառաբանում ինչու՞ մանդատը վայր դրեց, տպավորություն է, թե նրան ասել են՝ գիտե՞ս, դու շեֆին դուր չես գալիս, պետք է վայր դնես մանդատդ։ Հիմա էլ նախարարին հեռուստամենամարտի է կանչում,որ ուղիղ եթերում ներկայացնի իր դիրքորոշումը: Մինչդեռ ժամանակին կարող էր դա անել Աժ ամբիոնից : Հիմա իրեն թվում է ինքն այնքան խելք ունի, որ կարա «կռուտիտ» լինի, ու ոչ մեկը ոչինչ չի հասկանա՞: Դե լավ էլի»,- նշեց Արմեն Բադալյանը:

Աղբյուր` Փաստինֆո