Փաստ ինֆո

ԲՀԿ առաջնորդ Գագիկ Ծառուկյանն այսօր հանդիպում է ունեցել Արարատի մարզի ակտիվիստների հետ:
 
«Պետությունն այսօր պետք է կանգնի ժողովրդի կողքին՝ օգնելու հաղթահարել համավարակի առաջացրած դժվարությունները և մարդկանց առջև ծառացած բազմաթիվ խնդիրները», - հայտարարել է Ծառուկյանը` Վեդիում:
 
Նա ընդգծել է, որ  երկրում տնտեսական, սոցիալական, քաղաքական ճգնաժամ է, որից դուրս չգալու դեպքում անդունդում ենք հայտնվելու:
 
ԲՀԿ ղեկավարը նշել է, որ 120 հազար ընտանիք պահող մարդ չի մեկնել արտագնա աշխատանքի, օրավարձով աշխատողներն աշխատանք չունեն, շրջանառությունը նվազել է եւ նման պայմաններում պետությունը պետք է մեկ տարով սուբսիդավորի գլուղատնտեսական, սպառողական, կրթական վարկերը:
 
Գ.Ծառուկյանը հայտարարել է, որ իշխանությունները վերջին շրջանում ավելացրել են պետական պարտքը 1,4 մլրդով, սակայն պարզ չէ, թե ինչի վրա են այդ գումարը ծախսել:
 
«Պետական պարտքը ավելացրել է` ոչ աշխատատեղ է ստեղծել, ոչ էլ մարդկանց տոկոսներն է ներում շնորհել, ոչ ոք չգիտի, թե ինչ են արել», - նշել է ԲՀԿ առաջնորդն ու առաջարկել իշխանություններին`Համաշխարհային բանից մեկ մլրդ պարտք վերցնել եւ ամեն ընտանիքի երկու հազար դոլար բաժանել` մինչեւ վիճակը շտկվի:
 
Մանրամասները` տեսանյութում

Աղբյուր` Փաստինֆո