Փաստ ինֆո

Մեր երկրում 90 տոկոսը զբաղվում է առևտրով։ Եթե աշխատատեղեր բացվեն, միգուցե թողենք առևտուրը, բայց ոչ այս պայմաններում հարկային բեռը մեզ վրա ավելացնի։ «Փաստինֆո»-ի հետ զրույցում այս մասին ասաց հագուստի ներկրմամբ զբաղվող քաղաքացիներից մեկը։

«Երեք տարի շարունակ խոստումներ էին տալիս, որ հարկային բեռը պետք է թեթևանա։ Այսինքն մանր և միջին բիզնեսին պետք է թողնեն շնչի, իսկ հիմա շնչել ենք չենք կարողանում արտաշնչել։ Եթե օրենքը կիրառվեց նման կերպով, շատ-շատ վատ է լինելու ժողովրդի վիճակը։ Այս օրենքի կիրառման դեպքում մենք իրապես տուժելու ենք և՛ նյութապես, և՛ հոգեպես։ Ժողովուրդը գալիս է, 2000 դրամով շալվար է ուզում, եթե ես 2000 դրամով շալվարը չունեմ, 5000 է, 10000-ով կարողանալու՞ են գնել։ Միևնույն է բարձր խավը, որոնք օգտվում են մոլերից, նրանք շուկա չեն գալու։ Շուկա գալու է այն մասսան, որը գումար չունի ակնկալիքով, որ իր ուզած գումարով գնելու է ապրանքը։ Ինձ թվում է՝ այդ աթոռը մոգական է, ով նստում է վրան, իրան թվում է՝ էս երկրում բոլորն ուրախ են, բոլորը լավ են ապրում, բոլորի վիճակը տնտեսապես կայուն է»,-նշեց քաղաքացին։

Աղբյուր` Փաստինֆո