Փաստ ինֆո

Կորոնավիրուսի համավարակի պայմաններում ճգնաժամը խորանում է ոչ միայն քաղաքացիների սոցիալական կեցության պայմաններում, այլև՝ մարդկային փոխհարաբերություններում։ Մարտ ամսից ի վեր կորոնավիրուսի դեմ պայքարը շարունակվում է, ինչն էլ իր ազդեցությունն է թողնում քաղաքացիների հոգեվիճակի վրա և լարվածություն ստեղծում։ Եթե նախկինում դժգոհությունները հիմնականում ուղղված պետական մարմիններին՝ դիմակ չկրելու կամ սխալ կրելու համար կազմված արձանագրությունների կամ հավաքների արգելքի պատճառով, ապա այժմ խնդիրներ են հանդիպում նաև քաղաքացիների փոխհարաբերություններում։

«Փաստինֆո»-ի հաղորդմամբ՝ Երևանում արտակարգ դեպք է տեղի ունեցել. քաղաքացին դանակով հարվածներ է հասցրել մի տղամարդու, ով դիտողություն էր արել սոցիալական հեռավորությունը խախտելու համար։ Դեպքը տեղի է ունեցել մայիսի 10-ին՝ ժամը 19։20-ի սահմաններում։ Տղամարդը վրդովվել է, երբ իրեն շեղ հայացքով են նայել և նկատողություն արել՝ կորոնավիրուսի համավարակով պայմանավորված հեռու կանգնելու համար, ինչի պատճառով էլ վիճաբանություն է սկսվել։ Ավելին՝ միջադեպը տեղի է ունեցել հասարակական վայրում և տղամարդն ակնհայտ անհարգալից վերաբերմունք է ցուցաբերել, խախտել համակեցության կանոնները։ Վիճաբանության ընթացքում տղամարդը շուրջ 10 րոպե բազմաթիվ հարվածներ է հասցրել իրեն «շեղ հայացքով» նայողի մարմնի տարբեր մասերին, ապա նաեւ դանակով հարվածել, որի արդյունքում խաթարվել է նաև խանութ- սրահի աշխատանքը։

Ավելին՝ պարզվում է նկատողություն արած քաղաքացին նաեւ գույքային վնաս է կրել, քանի որ մի քանի հարված բաժին է հասել նաեւ ավտոմեքենային։

Դեպքի առթիվ հարուցվել է քրեական գործ, որի շրջանակներում տղամարդուն մեղադրանք է առաջադրվել՝ ՀՀ քրեական օրենսգրքի 258-րդ հոդվածի 4-րդ մասի հատկանիշներով՝ զենքի գործադրմամբ խուլիգանություն կատարելու համար։

Տղամարդը կալանավորվել է։ Դատախազությունը հաստատել է մեղադրական եզրակացությունը և գործն ուղարկել դատարան։

Աղբյուր` Փաստինֆո