Փաստ ինֆո

Ազգային ծրագրերի և ազգային նպատակների շուրջ համախմբում է պետք, որը չպետք է լինի որևէ անհատի կամ քաղաքական ուժի շուրջ, այլ՝ ծրագրային, ինչը հնարավոր է։ Այս մասին լրագրողների հետ զրույցում ասաց «Ազգային օրակարգ» կուսակցության  խորհրդի փոխնախագահ Արա Հակոբյանը։

Հակոբյանը գտնում է, որ փոփոխություն հնարավոր է միայն քաղաքական հանրային ճնշման միջոցով, այսինքն՝ բոլոր գործողությունները, որոնք իրականացվում են, պետք է միտված լինի նրան, որ դադարեցվի Հայաստանում ապազգային և ապապետական քաղաքականություն և ռազմավարություն՝ բոլոր ոլորտներում և, եթե այժմ խոսում են կրթությունից, դա դեռևս չի նշանակում, որ չունենք ճգնաժամային իրավիճակ առողջապահության, տենտեսության և սոցիալական ոլորտներում։

«Բոլոր ոլորտներում մենք ունենք համընդգրկուն ճգնաժամ և այդ ճգնաժամը լուծում է պահանջում, որը պետք է լինի արմատական։ Եղած իշխանությունը պետք է հեռանա» ,- ասաց նա։ Ինչ վերաբերում է իշխանության պնդումներին, թե նրանք ունեն ժողովրդի վստահությունը, վերջինս նշեց, որ ունեն ժողովրդի որոշ մասի վստահությունը, սակայն վստահությունն անկում է ապրում, ինչն արդեն տեսանելի է և տեսանելի է հենց կառավարության դիմաց, որտեղ ժողովուրդը բարձրաձայնում է իր խնդիրները։ Նրա խոսքով՝ իշխանափոխության համար առաջարկում են որոշակի ճանապարհային քարտեզ, մասնավորապես, երկրում առկա ճգնաժամի, տարբեր ոլորտներում և հանրության շրջանում առկա լարման պայմաններում արտահերթ ընտրությունը կարող է ավելացնել լարումը, ուստի, առաջարկում են միջանկյալ փուլ, որն իր մեջ կներառի ազգային համաձայնության իշխանության, որի նպատակը պետք է լինի ճգնաժամը և լարումը մեղմելը և արտահերթ ընտրություններին նախապատրաստելը։

Նշենք, որ Կառավարության դիմաց բողոքի ակցիա են իրականացնում «Ազգային օրակարգ» կուսակցության անդամները, որոնք իրենց դժգոհությունն են ներկայացնում՝ կապված կրթական բարեփոխումների հետ։ Կուսակցության խորհրդի նախագահ Արա Հակոբյանը «Փաստինֆո»-ի թղթակցի հարցմանն ի պատասխան հայտնեց, որ այսօր իրազեկման ակիցա կիրականացվի, իսկ ակցիաները շարունակական բնույթ կունենան:

Մանրամասները՝ տեսանյութում

Աղբյուր` Փաստինֆո