Փաստ ինֆո

Ռուսաստանը երկու փուլով կտրամադրի 1,5 մլրդ դոլարի վարկ Բելառուսին, հայտնել է ֆինանսների նախարար Անտոն Սիլուանովը, որի խոսքը մեջբերում Է ՏԱՍՍ-ը:

«Մենք ընթացիկ տարում ցանկանում ենք տրամադրել 1 մլրդ դոլար, որից 500 մլն դոլարը՝ ԿԶԵվՀ— ի (կայունացման եւ զարգացման եվրասիական հիմնադրամի) հաշվին, 500 մլն դոլարը՝ միջպետկրեդիտի հաշվին», — նշել է Սիլուանովը:

Նրա խոսքով՝ 500 մլն դոլարի երկրորդ տրանշը կհատկացվի 2021 թվականին։ Միջպետական օգնության տրամադրման մանրամասն պայմանները մշակվում են երկու երկրների ֆինանսների նախարարությունների կողմից:

Մինսկին վարկ տրամադրելու մասին հայտնի է դարձել սեպտեմբերի 3-ին Բելառուսի նախագահ Ալեքսանդր Լուկաշենկոյի եւ Ռուսաստանի վարչապետ Միխայիլ Միշուստինի հանդիպման ժամանակ:

Սեպտեմբերի 14-ին Մոսկվայում Լուկաշենկոյի հետ բանակցությունների ժամանակ Ռուսաստանի նախագահ Վլադիմիր Պուտինը պատմել է, որ հատկացված միջոցների մի մասը կգնա Ռուսաստանից ստացված նախորդ վարկերի մարմանը: «Ռուսաստանը հավատարիմ է մնում մեր բոլոր պայմանավորվածություններին, այդ թվում՝ Միութենական պետության և ՀԱՊԿ-ի մասին պայմանագրից բխող։ Մենք Բելառուսը դիտարկում ենք որպես մեր մերձավոր դաշնակից եւ, անկասկած, կկատարենք ստանձնած բոլոր պարտավորությունները», — ասել է Պուտինը։

Իր հերթին, ՌԴ նախագահի մամուլի քարտուղար Դմիտրի Պեսկովը հայտարարել է՝ 2013 թվականին Ուկրաինային 3 մլրդ դոլարի վարկ տրամադրելու հետ կապված իրավիճակի կրկնման անհնարինությունը, քանի որ «գումարը տալիս են ոչ թե Լուկաշենկոն, այլ եղբայրական Բելառուսին»:

Աղբյուր` Փաստինֆո