Փաստ ինֆո

Առևտրականները կառավարության դիմաց բողոքի ակցիա են իրականացնում։ Նրանք բողոքում են մաքսազերծման նոր կարգի դեմ, որի արդյունքում մաքսավճարը թանկացել է։ 

Բողոքի ակցիայի մասնակիցները պահանջում ենհանդիպում ՀՀ վարչապետ Նիկոլ Փաշինյանի հետ, քանի որ կարծում են՝ միայն նա կարող է լուծել այս հարցը։

«Արհեստական ամեն ինչ ստեղծել են, որ բարդանա մեր կյանքը։ Մենք հեղափոխություն ենք արել, վարչապետ ենք ընտրել, իսկ 10 հազար հոգին քիչ մարդ չի էս երկրում։ Էդ 10 հազար հոգին քիչ-քիչ շատանալու են։ Երբ կպան իմ երեխու հացի փողին, ես զգացի, որ իմ երեխու հացի փողն էլ չեմ կարողանում, ես ինքս արդեն 10-ից ավել տարի է, պոտենցիալ հարկ տվող եմ, բայց այսօր կդառնամ պոտենցիալ հանցագործ և դա պարտադրում է կառավարությունը։ Այսօրվա կառավարությունը, որ ամեն օր շեշտում են նախկինները, նախկինները։ Մենք նախկիններին գլորել ենք ձորը և պատրաստ ենք այսօր լավ ապրելու, բայց երկու տարի է լավ ոչ մի բան չենք տեսնում»,-ասաց ակցիայի մասնակիցներից մեկը։

Հագուստ ներկրողներից մեկը լրագրողների հետ զրույցում ասաց, որ 60-ից 100 տոկոսանոց թանկացում կա մաքսազերծման մեջ և դա զգալի է։ Առևտրականները հույս հայտնեցին, որ կառավարությունն իրենց կաջակցի. «Մեր պահանջը նույնն է մնացել։ Ուզում ենք նույն սկզբունքով աշխատենք»։

Աղբյուր` Փաստինֆո