Փաստ ինֆո

Երևանի մշակույթի և արվեստի պետական քոլեջում դասապրոցես տեղի չի ունենում։ Երևանի Մշակույթի և Ջազ քոլեջների միավորումով ստեղծվել էր մեկ ընդհանուր՝ «Երևանի Երևանի մշակույթի և արվեստի պետական քոլեջ»։ Հաստատության տնօրենի ժամանակավոր պաշտոնակատար Աննա Կիրակոսյանը «Փաստինֆո»-ի հետ զրույցում նշեց, որ միավորման պատճառով որոշակի պրոցեսներ կան, որոնք չեն հասցրել իրականացնել։

«Պատճառն այն է, որ երկու հաստատությունները միավորվել են, խնդիր է առաջացել դասաբաշխման դասացուցակների կազմման հետ կապված, որի պատճառով անհար էր դա իրականացնել 3 օրում։ Քանի որ պետական ռեգիստրում հաստատվել է նոր ՊՈԱԿ-ը, այդ իսկ պատճառով հետաձգվել է։ Նախարարությունը տեղեկացվել է, թույլատրել է, որպեսզի մեկ շաբաթվա ընթացքում այդ ամենը կազմակերպենք և իրականացնենք»։

Գրեթե չորս ամիս առաջ՝ նախկին ժամանակավոր պաշտոնակատարը՝ Ստեփան Բաբաթորոսյանը, պետական ռեգիստրում նոր ՊՈԱԿ-ի գրանցման համար հայտ չէր ներկայացրել։ Օգոստոսի 20-ին ԿԳՄՍ նախարարության գլխավոր քարտուղար Նաիրի Հարությունյանը հանդիպեց քոլեջների դասախոսական կազմին, առաջադրեցին նոր ԺՊ՝ Աննա Կիրակոսյանին՝ մշակույթի պետական քոլեջի փոխտնօրենին, որը միակ անձն է, որն ուներ հավաստագիր։

Ուսումնական տարվան ընդառաջ՝ կատարվում էր ժամանակավոր պաշտոնակատարի ընտրություն, որն էլ հանգեցրեց այն փաստին, որ փաստաթղթերի բացակայության պատճառով, երկու շաբաթից ավելի 600-ի ավելի ուսանող մնացել են առանց կրթության։ Երեք օր է՝ պետական ռեգիստրը հաստատել է նոր ՊՈԱԿ-ը։

«Մենք փաստաթղթերը տվել էինք և չգիտենք՝ կհաստատի պետ. ռեգիստրը թե ոչ։ Ոսումնասիրել են թղթերը և եզրակացություն կազմել։ Իրավական գործընթաց էր, որը ընթացակարգով իրականացվում էր։ Կարգեր կան, օրեր կան ֆիքսված. ժամկետի մեջ պետ. ռեգիստրը գործառույթն իրականացրել է, ոչ մի խնդիր չկա։ Ցանկացած հաստատություն իրավասու է լիազոր մարմնի թույլտվությամբ և հիմնավոր պատճառ ներկայացնելով՝ դասերը հետաձգել՝ բաց թողնվածը լրացնելու պայմանով»,- ասաց Աննա Կիրակոսյանը։
Միավորման ընթացքում դասախոսների թիվը մոտ 150 է։ Թեկնածությունն առաջադրելուց հետո դասախոսների հետ հանդիպել է Աննա Կիրակոսյանը։ Խոստումներ չի տալիս, որ կրճատումներ չեն լինի, բայց 99 տոկոսով այնպես կանեն, որ աշխատակից չկորցնեն։
«Աշխատակազմի հետ հանդիպում եղել է ներկայացվել է իրավիճակը, չնայած իրենք արդեն գիտեին։ Նորմալ է, ոչ մի խնդիր չի եղել։

Դասաբաշխման, կրճատման հետ կապված խոստում տալու իրավունք ունեմ, բայց ամեն դեպքում պարտավորված եմ աշխատակիցներին աշխատանքով ապահովելու։ Նաև լիազոր մարմնի կողմից կա հանձնարարություն՝ հնարավորինս ամեն ինչ այնպես կազմակերպել, որ որևէ աշխատակից չտուժի։ Բնականաբար ժամերի հետ կապված փոփոխություն կլինի, երկու հաստատություն միանում է՝ այդպես էլ պետք է լինի, հնարավոր է կրճատվի, բայց 99 տոկոս այնպես կանենք, որ աշխատակից չկորցնենք»,- հայտնեց Կիրակոսյանը։

«Կարծում եմ, որ ամեն ինչ հարթ կընթանա, որ բոլորն ունենան իրենց աշխատատեղերը։ Ուսանողները սեպտեմբերի մեկից մինչև օրս բաց թողնված դասերը կլրացվեն հետագայում»։

Այս պահին ուսումնական հաստատությունում դասացուցակներ են կազմում։ Մշակույթի քոլեջին միավորված Ջազ Քոլեջի դասախոսական կազմից՝ ըստ կիրակոսյանի դժգոհություններ չեն եղել։ Խոստացել են՝ ուսումնական տարին Երևանի մշակույթի և արվեստի պետական քոլեջում կմեկնարկի սեպտեմբերի 22-ից, դասերի սկիզբը ժամը 09։30-ին` պահպանելով հակահամաճարակային կանոնները՝ ուսանողներին հորդորում են քոլեջ հաճախել բացառապես դիմակով։

Աղբյուր` Փաստինֆո