Փաստ ինֆո

«Պատգամավորներն իրենց հուզող բոլոր հարցերն իրավունք ունեն տալու ԱԺ լիագումար նիստերի դահլիճում։ Պատգամավորի մոտ հարց է առաջացել, նա ուղղել է իր դիտարկումը և ստացել պատասխան՝ բավարարե՞լ է արդյոք դա պատգամավորին թե ոչ, չեմ կարող ասել։ Հիմա ընթանում է գաղտի քվերակություն, արդյունքները պարզ կդարձնեն, արդյոք որևէ տպավորություն փոխվել է, թե ոչ և ինչ արդյունք ենք ունենում»,- այս մասին լրագրողների հետ զրույցում հայտնեց «Իմ Քայլը» խմբակցության ղեկավար Լիլիթ Մակունցը՝ անդրադառնալով այն հարցին, թե ՍԴ դատավորների թեկնածուների ելույթով որևէ մեկի մոտ պատկերացում փոխվել է թե ոչ։ Անդրադարձավ նաև այն հարցին, թե արդյոք չի խանգարում այն, ոչ ՀՀ Նախագահի կողմից մի քանի անգամ առաջադրվել է նույն թեկնածուն։

«Ես չեմ կարող վիճարկել, որովհետև նախագահը իրավունք ունի ներկայացնել ցանկացած թեկնածու և ներկայացնել մի քանի անգամ։ Խնդիր չեմ տեսնում»։

Մակունցը նաև պատասխանեց այն հարցին, թե ՍԴ դատավորի թեկնածու Երվանդ Խունդկարյանի շուրջ ծավալված խոսակցությունները փակ շղթայով տարածվում է, իսկ որքանո՞վ է խմբակցությունը քննադատությանը արձագանքում։

«ԱԺ-ը գործընթաց էր սկսել, որով նպատակ ունեինք թարմացնել, նորացնել Սահմանադրական դատարանը և մեր քաղաքական ուղերձները, մեր տեսակետն այդ կապակցությամբ և ՍԴ-ում հետագայում դատավորների գործունեությունների հետ կապված ներկայացրել ենք ։ Մեր անելիքը այդ պահին այդքանով ավարտված էր և սահմանադրական մարմինները, դատավորների ընդհանուր ժողովը, ՍԴ-ն թարմացնելու առումով ներկայացրել են իրենց կարծիքով այն թեկնածուներին, որոնք արժանի են լինել ՍԴ դատարանի դատավորների։ Թե որքանով են նրանք կարողացել համոզել, որ նրանք համապատասխանում են այդ նշաձողին՝ քվեարկության արդյունքները ցույց կտան»,- ասաց Մակունցը։

Վերջինս՝ ընդդիմադիրների՝ քվեարկությանը չմասնակցելու մասին ներկայացրեց նաև իր մտահոգությունները։

«Ընդդիմադիր խմբակցությունների որոշումը մտահոգում է այնքանով, որ նրանք չեն ցանկանում որևէ փոփոխությունների հետ կապված իրենց որոշումն արտացոլել քվեարկությունում, թեկուզ դեմ քվեարկությամբ։ Դա իրենց որոշումն է, բայց ես կարծում եմ, որ մենք սրանով անում ենք հստակ արձանագրում, որ միգուցե այդ երկու խմբակցությունները գոհ են այն իրավիճակից, որ այսօր կա դատաիրավական համակարգում։ Սա իմ ենթադրությունն է»։

Լիլիթ Մակունցը զերծ չպատասխանեց, թե որքանով է մտահոգում Խունդկարյանի վարկանիշը, և ինչ ազդեցություն կունենա այն խմբակցության վրա։

«Իմ դիրքորոշմամբ չեմ ուզում ունենալ ազդեցություն մյուս անդամների վրա և բացահայտել իմ քվեարկությունը»։

Աղբյուր` Փաստինֆո