Փաստ ինֆո

«Ես նման հնարավորություն գրեթե բացառում եմ, տրամաբանական չեմ համարում»,- այս մասին լրագրողների հետ հանդիպմանն ասաց ԱԺ փոխնախագահ Ալեն Սիմոնյանը՝ անդրադառնալով հարցին, թե հավանակա՞ն է, որ ՍԴ նոր կազմի կողմից Հրայր Թովմասյանն ընտրվի ՍԴ նախագահ։

«Բացառում եմ, որովհետև ճգնաժամը ստեղծվել էր նաև այն պատճառով, որ Հրայր Թովմասյանը հայտնվել էր պաշտոնում»,- ասաց Սիմոնյանը։ Վերջինս նաև խոսեց թեկնածուներից Արթուր Վաղարշյանի, և այն մասին, թե ինչ տեղի ունեցավ, որ Վաղարշյանը մեկ տարի անց մեծ վստահություն ունի։

«Լուրջ քննարկվել է, պարոն Վաղարշյանի զրույցը, քննարկումը, հարցազրույցը և դրական բաներ ենք տեսել, որը ազդել է որոշում կայացնելու վրա։ Եթե համեմատեք նախկին ելույթը, այսօրվա ելույթի անկեղծությունը, մենք մեր գնահատականը տվեցինք քվեարկությամբ։ Ես չեմ ուզում ասել՝ այս խոսքն այսպես ասեց դրա համար դուրներս եկավ։ Ելույթը ամենավառ օրինակն է, արող եք համեմատել այն և քննարկումը ու կտեսնեն անկեղծությունը, անմիջականությունը, ազնվությունը, որը որ վստահություն ներշնչեց, նույնիսկ մասնագիտական առումով նույնիսկ անցյալում ոչինչ չի եղել»,- ասաց ԱԺ փոխնախագահը։

Սիմոնյանը հիշեցրեց՝ իշխանություններն ասել են, որ չեն ձևավորելու ՍԴ, որը լինելու է խամաճիկային կամ որը պատկանելու է իշխանության , որը որպես ՍԴ լինելու է նոր, սկզբունքային։

«Այդ առումով պատգամավորները քննարկումներից հետո իրենց որոշումը կայացրել են, չեմ կարծում, որ էստեղ որևէ մեկին դավաճանել ենք։ Նախ պետք է հասկանանք, ովքեր են խոսացողները։ Ես ձեզ վստահեցնում եմ, որ ում էլ ընտրեինք, ում էլ բերեինք, ինչ թեկնածու էլ լինի մշտապես լինում են տարբեր շահեր։ Ես համարում եմ, որ շատ երկար ճանապարհ կա անցնելու և մենք ունենք անելիքներ ոչ միայն ՍԴ-ում, այլև դատական համակարգում։ Իսկ նույն այդ գործընկերները, որոնք քննադատում են, պնդում էին, որ նույնիսկ ՍԴ-ում ճգնաժամ չկա, իսկ այսօր այլ հարց են օրակարգ քաշում՝ ըստ նպատակահարմարության»,- ասաց Ալեն Սիմոնյանը։

Աղբյուր` Փաստինֆո