Փաստ ինֆո

«Ես գտնում եմ՝ որևիցե ձևով դատական համակարգի հետ կապված գեթ օրինակ չենք ունեցել, որտեղ պարոն Խունդկարյանը խամաճիկի դերում է հանդես եկել»,- այս մասին լրագրողների հետ հանդիպմանն ասաց ԱԺ փոխնախագահ Ալեն Սիմոնյանը։ 

Փոխնախագահը հիշեցրեց, որ պաշտոնին հավակնելու համար եղել են խիստ պահանջներ, այսօր ընտրվել են նոր դատավորներ, որոնք որ կանեն իրենց աշխատանքը և չեն հանդիսանում գործող իշխանության ոչ սպասարկուները, ոչ էլ կապ են ունեցել։
«Դուք բոլորդ նախկին իշխանությունների հետ նույն շենքում աշխատել ենք, մենք ինչ-որ ձև առնչվել ենք, ապրել ենք այս երկրում։ Ես արտահայտում եմ մեր կարծիքը՝ պարոն Խունդկարյանն այսօր կարող է իրականացնել ՍԴ դատավորի պարտականությունները։ Խմբակցությունը կայացրել է միասնական որոշում»։

Իսկ թե արդյո՞ք Արման Բաբաջանյանն ուներ որոշակի շահեր, որ քննադատում էր Էդգար Շաթիրյանին, որին Ալեն Սիմոնյանը շատ կոշտ է արձագանքել այդ քննադատությանը՝ Սիմոնյանն ասաց, որ իր ելույթը կոշտ չէր անվանի։
«Ես կոշտ չեմ արձագանքել, ուղղակի ափսոսանք եմ հայտնել ու կարծում եմ պարոն Բաբաջանյանը նույնպես իր պատասխանի մեջ արձագանքեց։ Թեման այս փուլում համարում եմ սպառված»։

Ալեն Սիմոնյանն ասաց, որ հիմա ունենք այնպիսի դատական իշխանություն, որը համապատասխանում է նոր Հայաստանին։ Իսկ թե արդյոք ՍԴ նոր անդամները վայելում են ժողովրդի վստահությունը՝ Սիմոնյանն ասեց չգիտի, չի կարող ասել։

«Վստահ եմ, որ իշխանությունը վայելում է ՀՀ վստահությունը։ Ես կարող եմ քաղաքացիների հետ խոսել, ասել՝ այս որոշումը կայացրել եմ այս պատճառով, մյուսը մյուս։ Եթե չի վստահի, կընտրի պատգամավոր, որը հետագայում նոր ՍԴ դատավոր կընտրի որևիցե մեկին։ Իհարկե, նախկին դատավորները չեն վայելում վստահություն, որովհետև ներկայացրել են նախկին քաղաքական իշխանությունը, եղել են ՀՀկ անդամ։

Վախենամ վերացական քննարկմանը չդիմանաք։ Այս դեպքում համեմատականներ անցկացնելն անտեղի է»,- Ալեն Սիմոնյանն ասպես պատասխանեց լրագրողի հարցին։

Աղբյուր` Փաստինֆո