Փաստ ինֆո

«Եթե նման որոշում է կայացվում, ապա սա ուղիղ հարվածի տակ է դնում հասարակության մեկ հատվածի՝ թեկուզ կորոնավիրուսային վարակի տեսանկյունից խոցելի համարվող, սակայն կրթական համակարգում լուրջ կարևորություն ներկայացնող 65 և ավել տարիք ունեցող դասախոսներին և ուսուցիչներին։ Ինձ համար դեռևս անհասկանալի է մնում այս նախագծի իմաստը, քանի որ ԲՈւՀ-երում և դպրոցական բարձր դասարաններում շարունակվում են հեռավար ուսուցման գործընթացը»,- «Փաստինֆո»-ի հետ զրույցում ասում է ԳԱԱ Պատմության ինստիտուտի տնօրեն, պատմաբան Աշոտ Մելքոնյանը, Ինչպես արդեն տեղեկացրել ենք՝ Առողջապահության նախարարը հանդես է եկել նոր նախաձեռնությամբ, որով բոլոր բուհերին ու միջին մասնագիտական հաստատություներին հրահանգված է ազատվել 65 և ավել տարիք ունեցող բոլոր դասախոսներից։

Առողջապահության նախարար Արսեն Թորոսյանն, անդրադառնալով բուռն քննադատության արժանացած թեմային, այսօր պարզաբանումներ է ներկայացրել, ըստ որի՝ վերոհիշյալ հրամանի նախագիծը գտնվում է քննարկումների և լրաշմակումների փուլում, միևնույն ժամանակ այն օրվա հրամայական է, որովհետև կորոնավիրուսային հիվանդության իրավիճակով պայմանավորված մինչ այս պահն ընդունված բոլոր փաստաթղթերում, իրավական ակտերում նշվել է, որ անհրաժեշտ է հնարավորինս ձեռնպահ մնալ կորոնավիրուսի ծանր հիվանդության զարգացման բարձր ռիսկային խմբի աշխատողներին աշխատավայր կանչելուց, ինչն, ըստ նախարարի, ուղղված է եղել ոչ թե ռիսկի խումբ հանդիսացող աշխատակիցներից ազատվելուն, այլ վերջիններիս պաշտպանելուն։

ԳԱԱ Պատմության ինստիտուտի տնօրենը նկատում է՝ հատկապես ԲՈւՀ-ական ոլորտում մենք 65 և ավել տարիք ունեցող դասախոսական կազմ ունենք, ովքեր համարվում են մեր լավագույն ծանրակշիռ գիտնականներն են, ովքեր նաև գիտության այս կամ այն ոլորտում սեփական դպրոց են հիմնադրել։ Հատկապես մագիստրատուրայի ոլորտում, ըստ պարոն Մելքոնյանի, հենց այդ կատեգորիայի դասախոսներն են դասավանդում.«Մագիստորսական դասընթացի իմաստն ու արժեքը հենց դրանում է, որ այդ դպրոցը նման դասախոսների միջոցով հասցվի այն ուսանողներին, ովքեր ուսանողից գիտնական կայացման ճանապարհի մեջտեղում են գտնվում։ Դրական իմաստով եմ ասում՝ նորաթուխ դասախոսին մագիստրատուրայի դասընթաց չեն վստահի, հենց այդ պատճառով էլ այս նախագիծն ինձ համար անհասկանալի է և պարզաբանումների կարիք ունի»։

Մանրամասները՝ տեսանյութում։

Հեղինակ՝ Նվարդ Մանվելյան

Աղբյուր` Փաստինֆո