Փաստ ինֆո

ԱԺ պատգամավորների մեկ քառորդի համաձայնությամբ ստեղծված «Նոր կորոնավիրուսի տարածումը կանխելու և դրա դեմ պայքարի համաճարակի հետևանքների մեղմման կամ վերացման ուղղությամբ կառավարության և պարետատան  իրականացրած միջոցառումների արդյունավետությունը,  ինչպես նաև արտակարգ դրության ժամանակահատվածում մարդու իրավունքների և հիմնարար ազատությունների սահմանափակումների արդյունավետությունը և իրավաչափությունն ուսումնասիրելու նպատակով ԱԺ քննիչ հանձնաժողովի անդամների թիվը սահմանելու մասին որոշում։  Քննիչ հանձնաժողովի ներկայացուցիչ Էդմոն Մարուքյանը ներկայացրեց, որ ըստ նախագծի՝ նախաձեռնողներն առաջարկում են, որ հանձնաժողովն ունենա 12 անդամ։

«7 անդամ իշխող «Իմ քայլից», 3 անդամ ԲՀԿ-ից և 2 անդամ Լուսավոր Հայաստան խմբակցությունից։ Սա ժամանակին սահմանադրությունը գրողների կողմից գրված  իրավակարգավորում է, որը կարծում ենք անիմաստ է, որովհետև հանձնաժողովն այլևս ստեղծված է»։

Լենա Նազարյանը հարցրեց, արդյո՞ք հանձնաժողովը  կքննարկի ընդդիմության հայտարարություններն ու գործողությունները, որոնք եղել են հակասական, իրարամերժ, ապակողմնորոշող, միտված են եղել մեկ օրվա լրահոսով երևալու համար։ Հիշեցրեց, որ ընդդիմությունը ժամանակին ասում էր՝ պետք է փակել Իտալիայի և Իրանի հետ սահմանը և հետո ասվել է կարանտինի անվանումը կխանգարի, որ սահմանները բացվեն։ Առաջարկել են, որ  խորհրդարանը բացվի ու բողոքել են, որ դիմակ չկրեն նույն խորհրդարանում։

«Ըստ էության հարցը կապ չունի ներկայացված  որոշման հետ, բայց հարցի մեջ կան գնահատողական դատողություններ և խեղաթյուրված տեղեկատվություն։ Երբ որ ասվել է փակեք չվերթները, Հայաստան էին գալիս վարակակիրներ, իսկ Հայաստանում դեռ չկային վարակակիրներ։ Երբ որ այսօր ասում ենք սահմանները բացեք, արդեն այլ իրավիճակ է։ Ես չեմ հիշում ընդդիմադիր որևէ պատգամավորի, որ ասած լինի խորհրդարանում պետք է դնել դիմակներ, այլ ասվել է, որ ԱԺ նախագահը չի կարող նիստերի դահլիճից հեռացնել պատգամավորի, եթե վերջինս դիմակ չի կրում։ Ինչպես տեսնում եք այդ պատգամավորը այդ օրվանից նիստերին չի գալիս։ Հանձնաժողովում դուք ունենալու եք 7 անդամ և ցանկացած հարց, որը դուք առաջարկեք՝ քննարկվելու է, եթե իհարկե այդ հարցը վերաբերվում է նշված կետերին։ Դուք ունեք մեծամասնություն և ձեր ձեռքում է»«- պատասխանեց Մարուքյանը։

Լենա Նազարյանն ասաց, որ գործընկերներին կտրամադրի այն փաստերը, որոնք հավաքել է ՝ ընդդիմության վերաբերյալ.

«Ես ունեմ փատեր, որ ընդդիմությունը ապակողմնորոշող տեղեկություն է հայտնել հանրությանը, որ առավել  շատ վնասել է համաճարակի հաղթահարմանը, քան նպաստել»։

Աղբյուր` Փաստինֆո