Փաստ ինֆո

Իշխանության եկած խմբին ես սզբունքորեն չեմ անվանում քաղաքական ուժ։ Այս մասին այսօր Հանրակրթական չափորոշիչների և առարկայական ծրագրերի վերաբերյալ կոնֆերանսի ժամանակ նշեց Հայաստանի առաջին ՄԻՊ Լարիսա Ալավերդյանը:

«Առանց ռազմավարության տալիս են չափորոշիչներ: Կներեք, սա անգրագիտություն է կառավարման տեսանկյունից: Խոսվում է ունիվերսալ կրթության մասին. սիրելիներս, չկա ունիվերսալ կրթության մոդել։ Երբ խոսում են դրա մասին, դա նշանակում է «հին շոր, հին կոշիկ» մոդելը ուզում են բերել ու ներմուծել Հայաստանի հասարակության մեջ»,-ասաց նա:

Ալավեդյանը նկատեց, որ դրսից է բերվում գաղափարական դաստիարակություն. «Սա շատ կարեւոր է, պետք է հասկանանք սրա հիմքերը եւ հասկանանք, որ այն, ինչ մենք փնտրում ենք, դա չկա այդ գաղափարախոսության մեջ: Ես անընդհատ լսում եմ, որ իշխանության մեջ անփորձ են, պետք է սովորեն: Հավատացնում եմ նրանք սովորած են եկել այն թրեյնինգներով, որը պետք է փոխարինի իրական կրթությանը»:

 
Լարիսա Ալավերդյանի խոսքերով, ոչ միայն Հայաստանում, այլեւ ամբողջ աշխահում ինքնության պահպանումը կարեւոր խնդիր է. «Օրինակ Գերմանիայում սահմանադրորեն հաստատուն գրված է, որ կրոնական կրթությունը պարտադիր է: Որքան էլ ուզում են մեզ մեղադրեն հետամնացության մեջ, այն սոդոմիզմը, որ քարոզվում է այս խմբի կողմից, դա 2000 տարի առաջ եկել է քրիստոնեությանը փոխարինելու»,- ասաց նա։

Լարիսա Ալավերդյանը կոչ արեց կանգնեցնել քայքայիչ աղանդի նմանվող քաղաքականությունը, որը վարվում է այսօր, նշելով, որ իշխանության եկած խումբը պարզապես սովորած է եկել։

Աղբյուր` Փաստինֆո