Փաստ ինֆո

«Եղեգնուտը առանց թալանչու», «Ոչ հնի վերադարձին» գրությամբ պաստառներով կառավարության շենքի դիմաց բողոքի ակցիա է։ Արմավիրի մարզի Եղեգնուտ համայնքի բնակիչները պահանջում են գյուղապետի հրաժարականը։ Նրանք չեն ուզում, որ գյուղապետը շարունակի ղեկավարել։ Եղեգնուտ համայնքի ավագանի Անտոն Խուրշուդյանն ասաց, որ նախկին գյուղապետ ռազմիկ Մարգարյանը ինքն իրեն հռչակել է գյուղապետ։

«Երկու տարի առաջ ակցիա արեցինք, որ նախկին գյուղապետն իր դիմումի համաձայն հրաժարական տվեց և հեռացավ։ Ժամանակավոր պաշտոնակատար նշանակվեց՝ Ռազմիկ Մկրտչյանը, հետո նախկին գյուղապետը դիմեց դատարան, նորից վերականգնվելու համար, առաջին ատյանի դատարանը մերժեց դիմումը։ Նա դիմեց վերաքննիչ դատարան, որտեղ մասնակի բավարարեց, պաշտոնակատար նշանակելու վերաբերյալ մարզպետի որոշումը չեղյալ համարեց, իսկ մնացածը անփոփոխ մնաց՝ պեչատը, գույքը, սենյակը գյուղապետ հետ վերադառնալու համար։ Հետո ինքը դիմեց վճռաբեկ դատարան։ Հայցը ընդունելուց հետո ինքը հետ վերցրեց հայտը դատարանից։ Ինքը էսօր ունի պեչատ, եկելա իրան մի հատ ապտեկա վերցրել, դարձրելա գյուղապետարան ու ուզումա աշխատի։ Մեր բողոքն էլ դա է, չգիտենք ոնցա ձեռք բերել այդ պեչատը։

Համայնքապետարանի լիազորությունները կատարում է Աշոտ Խուրշուդյանը։ Իսկ ինքը ասում է ինքը գյուղապետ է, թղթեր է պեչատում, ոչ ոք չգիտի իրեն այդ լիազորություններն ով է տվել, ապտեկայի շենքը դարձրել է իրեն գյուղապետարան։ Մենք պահանջում ենք նախկինը՝ Ռազմիկ Մարգարյանը հետ չգա։ Փաստորեն մենք հիմա գյուղապետ չունենք, ինքը ինքնահռչակ է։ Կարծում ենք վարչապետը կկարողանա այս հարցին լուծում տալ։ Նժարի մի կողմը ժողովուրդն է, մյուսը գյուղապետը։ Ինձ թվում է մարզպետը աջակցում է»։

Մանրամասները՝ տեսանյութում։

Աղբյուր` Փաստինֆո