Փաստ ինֆո

Իրականում ԱԺ կրթության հանձնաժողովը մի շարք տարաձայնություններ ունեցել է ԿԳՄՍ նախարարության հետ, այդ թվում նաև սպորտի բնագավառում, ինչը պարոն Ջուլֆալակյանը նշել էր։ Այս մասին այսօր լրագրողների հետ զրույցի ժամանակ ասաց ԱԺ «Իմ քայլը» խմբակցության պատգամավոր Սոֆյա Հովսեփյանը։

Անդրադառնալով Արսեն Ջուլֆալակյանի մանդատը վայր դնելուն՝ պատգամավորն ասաց, որ մանրամասներին չի տիրապետում։ Լրագրողի դիտարկմանը, որ հատկապես ԿԳՄՍ փոխնախարարի հետ է տարաձայնություններ ունեցել, Սոֆյա Հովեսփյանն ասաց. «Այո, փոխնախարար Գրիշա Թամրազյանի հետ էր հիմնականում, ով սպորտը համակարգում էր։ Այս խնդիրը, որը կար, բավականին երկար էր և միգուցե հաղորդակցումը պատշաճ չի կատարվել և պատճառն էլ եղավ հետագա քայլերի, որոշումների»,-ասաց Սոֆյա Պողոսյանը։

Հարցին՝ պե՞տք է նման տարաձայնությունները պատճառ դառնան, որ պատգամավորը հրաժարվի մանդատից, Սոֆյա Հովսեփյանը նկատեց՝ դա անհատական և սուբյեկտիվ որոշելու հարց է. «Միգուցե ես չհրաժարվեմ, բայց փաստ է, որ պարոն Ջուլֆալակյանը հրաժարվեց։ Այսինքն ամեն մեկն իր որոշումն է կայացնում՝ ինչպես գործի։ Իհարկե ես, շատ գնահատելով պարոն Ջուլֆալակյանի մասնագիտական կարողություններն ու մարդկային որակները, շատ ափսոսում եմ, որ ցանկություն չի հայտնել շարունակել մեզ հետ, որովհետև այն, ինչ ինքը կարող էր անել, վստահեցնում եմ, որ ես կամ գործընկերներից մյուսները չեն կարող անել, մասնավորապես սպորտի ոլորտում»,-ասաց պատգամավորը։

Հարցին՝ ԿԳՄՍ նախարարի հետ խնդիրներ եղել են, Սոֆյա Հովսեփյանը նշեց, որ ակնհայտ խնդիրներ չեն եղել. «Ակնհայտ, որ հանձնաժողովի քննարկման ժամանակ է, չի եղել, եթե ներքին խնդիրներ եղել են, որ այո, եղել են, դրանք երբեք հանձնաժողովի նիստի ժամանակ ի ցույց չի դրվել»,-նշեց պատգամավորը։

Աղբյուր` Փաստինֆո