Փաստ ինֆո

Շամիլ Բասաեւի ղեկավարած ապօրինի զինված խմբավորման նախկին գրոհային Բատիրբեկ Յումարտովը դատապարտվել է՝ Ռուս զինվորականների վրա հարձակման համար: Դատարանը նրան դատապարտել է 14 տարվա ազատազրկման խիստ ռեժիմի գաղութում։ Այս մասին սեպտեմբերի 7-ին հայտնել է Ռուսաստանի Քննչական կոմիտեն։

Դատարանը հաստատել է, որ 1999 թվականի հուլիսի կեսերին Ստավրոպոլի երկրամասում ծնված տղամարդը Շամիլ Բասաեւի եւ Էմիր Խատաբի ավազակախմբի անդամ է դարձել: Մոտ 1000 հոգանոց զինված խմբի կազմում նա մասնակցել է զինված ապստամբության՝ Դաղստանի Բոտլիխի շրջանի տարածքում Ռուսաստանի տարածքային ամբողջականությունը խախտելու նպատակով։ Յումարտովը մասնակցել է բանդայի զանգվածային թիրախավորված գնդակոծմանը, որի հետեւանքով զոհվել է 33 մարդ, 34-ը՝ տարբեր աստիճանի ծանրության վնասվածքներ են ստացել:

ՌԴ Քննչական կոմիտեն Յումարտովի նկատմամբ քրեական գործ է հետաքննել ՌԴ ՔՕ 317 հոդվածով («Զինծառայողի կյանքի նկատմամբ ոտնձգություն»), ՌԴ ՔՕ 209 հոդվածով («բանդիտիզմ») եւ ՌԴ ՔՕ 279 հոդվածով («զինված խռովություն»): 1999-ից մինչեւ 2019 թվականն ընկած ժամանակահատվածում համանման հանցագործություններ կատարելու համար Դաղստանի Բոտլիխի եւ Ցումադինի շրջանների վրա հարձակման ավելի քան 80 մասնակիցներ դատապարտվել են 3-ից մինչեւ 15 տարվա ազատազրկման:

Յոթ զինյալների, ներառյալ Շամիլ Բասաեւի նկատմամբ քրեական գործերը կարճվել են նրանց մահվան կապակցությամբ: 28 մարդ դեռեւս դաշնային եւ միջազգային հետախուզման մեջ է: 1999թ. հարձակման եւս երկու մասնակիցներ գտնվում են հետաքննության տակ։

Շամիլ Բասաեւը՝ ահաբեկիչ, չեչեն անջատողականների շարժման առաջնորդներից եւ Չեչնիայի Հանրապետության ինքնահռչակ ՝ Իչկերիայի գործիչներից մեկը, որի կառավարությունում տարբեր բարձր պաշտոններ է զբաղեցրել: Կազմակերպել է մի շարք ռեզոնանսային ահաբեկչություններ Ռուսաստանում, այդ թվում 2004 թվականին Բեսլանում եւ 2002 թվականին Դուբրովկայում պատանդներ վերցնելը: Բասաեւը ոչնչացվել էր 2006 թվականի հուլիսի 10-ին Ինգուշեթիայում հատուկ գործողության ընթացքում։

Բասաեւի եւ Խատաբի հրամանատարությամբ գրոհայինները 1999 թվականի օգոստոս-սեպտեմբերին ներխուժել են Դաղստանի Բոտլիխի եւ Նովոլակի շրջանների տարածք:

Աղբյուր` Փաստինֆո