Փաստ ինֆո

Ռուսաստան մեկնել ցանկացող ՀՀ քաղաքացիներն այսօր ավտոերթով հասան Հանրապետության հրապարակ։ Մինչև այդ  շրջել են Երեւանի փողոցներում: Նրանք ավտոմեքենաներին փակցրել էին պաստառներ. «Хочу в Россию», «Պահանջում ենք վարչապետի աջակցությունը»:

Երևանի գլխավոր հրապարակում ակցիայի մասնակիցները որոշել են հավաք կազմակերպել:

Նրանք արդեն մի քանի ամիս է պարբերաբար հավաքներ են անում՝ խնդրելով իրենց հարցին լուծում տալ, կարողանան մեկնել ընտանիքի անդամների մոտ և արտագնա աշխատանքի։

Սեպտեմբերի 4-ին նրանք բողոքի ակցիա էին իրականացրել ԱԺ-ի մոտ: Նրանց առաջինն էր հանդիպել ԼՀԿ ղեկավար Էդմոն Մարուքյանը, ապա ԱԺ փոխխոսնակ Վահե Էնֆիաջյանը։ Նրանց էր հանդիպել ԱԺ փոխնախագահ Ալեն Սիմոնյանը, ով նշել էր, որ իրենց ձեռքը չի հարցի լուծումը, Ռուսաստանն ու Վրաստանը չեն թողնում, որ ՀՀ քաղաքացիները մուտք գործեն իրենց տարածք: Ակցիայի մասնակիցներն էլ խնդրում էին ավելի բաց լինել, ներկայացնել այդ երկրների հետ բանակցությունների արդյունքները, այնպես բանակցել, որ հարցը լուծում ստանա, քանի որ արդեն քանի մաիս իրենք զրկված են իրենց ընտանիքներին տեսնելու հնարավորությունից:

Աղբյուր` Փաստինֆո