Փաստ ինֆո

«Ասում եք կարանտինը արտակարգ դրություն չէ, իհարկե, դրանք տարբեր հասկացություններ են, բայց այս նախագծով պարտադրվող պայմանները որևէ կերպ չեն տարբերվում արտակարգ դրության պայմաններից»,- այս մասին ԱԺ արտահերթ նիստի ժամանակ ասաց ԼՀԿ պատգամավոր Անի Սամսոնյանը, նշելով, որ ակնկալում էին ավելի ճկուն գործիքակազմ, որ արտակարգ դրությունը հանելուց հետո լիներ վիճակի թեթևացում և ոչ թե վիճակը մնար նույնը։ 

«Ըստ էության միայն անվանումն է փոխվում։ Բայց իրավական ռեժիմով որևէ տարբերություն չկա։ Մտահոգիչն այն է, որ խորհրդարանի դերն է նվազեցվում, խորհրդարանին ջնջում ենք ընդհանրապես։ Օրենքով սահմանվում է, որ մեկուսացման վայրում անձին կարող է տրամադրվել բավարար պայմաններ, բժշկական խորհրդատվություն, սնունդ՝ ամեն ինչ նրա ժամանակավոր կեցության համար, բայց ինքնամեկուսացման պարտադրվող անձին ինչո՞ւ այս պայմանները նույնպես չպետք է տրամադրվեն։ Պետական կառավարման լիազոր մարմինը, տեղական ինքնակառավարման մարմինները, բժշկական օգնություն և սպասարկում իրականացնող մարմիններն, բոլոր մեծ ծավալի սուբյեկտները իրավունքն են ստանում անձի բժշկական գաղտնիքի տեղեկություն ստանալուն։ ինչպե՞ս կարող է սա տեղի ունենալ մարդու իրավունքների պաշտպանությունը հարգող երկրում»,- եզրափակեց Սամսոնյանը։

Աղբյուր` Փաստինֆո