Փաստ ինֆո

«Առողջ սնունդ» ազգային հետազոտական կենտրոնի սննդի հարցերով փորձագետ Զինաիդա Մեդվեդեւան թվարկել է հինգ վնասակար մթերք, որոնք սխալմամբ օգտակար են համարվում: Նրա խոսքը մեջբերում է «Կոմսոմոլսկայա պրավդան»։

Առաջին հերթին դիետոլոգը կոչ է արել ուշադրություն դարձնել սպիտակուցային սալիկներին։ Նրա խոսքերով՝ այդ մթերքում, բացի չոր պրոտեինից, չորացրած հատապտուղներից, ընկույզներից եւ սերմերից, հաճախ ավելացնում են հացահատիկային փաթիլներ՝ մեծ քանակությամբ շաքարի եւ շաքարի հավելումներով: Շաքարի բարձր պարունակության եւ արագ ածխաջրերի պատճառով դրանք չի կարելի օգտակար խորտիկ անվանել. այն ուտողը սկզբում կզգա ուժերի նոր ալիք, իսկ հետո' հոգնածություն եւ սովի զգացում:

Այնուհետեւ Մեդվեդեւան ցրել է՝ վիտամիններով սպորտային ըմպելիքների օգտակարության մասին, առասպելը: Նա բացատրել է, որ օգտակար նյութերից բացի, նման խմիչքը պարունակում է մեծ քանակությամբ գլյուկոզա եւ ֆրուկտոզա՝ մինչեւ 30 գրամ գլյուկոզա 300 գրամ ջրի համար, մոտավորապես նույն համամասնությունը Կոկա — Կոլա տիպի ըմպելիքների մեջ է առկա: Փորձագետը զգուշացրել է նաեւ բյուրեղային ֆրուկտոզայի վտանգի մասին, որի չարաշահումը կարող է աղիների հետ խնդիրներ առաջացնել, ընդհուպ մինչեւ քաղցկեղ:

Դիետոլոգն ընդգծել է, որ մրգային լցուկներով յոգուրտները այդքան էլ օգտակար չեն, որքան պատմում են գովազդում։ Դրանցում գրեթե չկան վիտամիններ, բայց կան քաղցր հավելումներ եւ խյուս, որոնք ստանում են բարձր վերամշակված արտադրանքից, որը պարունակում է շատ շաքար. Մեդվեդեւան խորհուրդ է տվել գնել պարզ յոգուրտներ եւ ավելացնել մրգեր:

Սննդի փորձագետը նաեւ կոչ է արել հրաժարվել վերամշակված կարմիր մսից՝ նրբերշիկներից, սարդելկաներից, երշիկներից եւ ապխտած կրծքամսից: Նրա խոսքով՝ ցանկացած մշակված մսից՝ աղակալման, կոնսերվացման, խմորման միջոցով ստացված բոլոր մթերքների ,օգտագործումը կարող է հանգեցնել հաստ աղիքի քաղցկեղի զարգացման։ Մեդվեդեւան պնդում է, որ սովորական միսը քաղցկեղածին լինելու տեսանկյունից գրեթե նույնքան վնասակար է, Բացի այդ այն մեծացնում է սիրտ-անոթային հիվանդությունների, այդ թվում՝ սրտի անբավարարության զարգացման, վտանգը: Նրա խոսքով՝ կարմիր միսը պետք է ուտել ոչ հաճախ, քան շաբաթը մեկ անգամ եւ եփել այն Ցելսիուսի 60-70 աստիճանի ջերմաստիճանում:

 Վերջին արտադրանքը, որի վնասն ակնհայտ չէ, դիետոլոգը անվանել է կարագ: Մեդվեդեւան նշել է, որ չարժե օրական ուտել ավելի քան 10 գրամ յուղ, հակառակ դեպքում օրգանիզմում կբարձրանա խոլեստերինի մակարդակը, կվատթարանա սիրտ-անոթային համակարգի աշխատանքը, կխախտվի ամբողջ օրգանիզմի եւ առաջին հերթին գլխուղեղի արյան մատակարարումը: Որպես հետեւանք, մարդու մոտ կարող է տեղի ունենալ սրտի կաթված կամ ինսուլտ:

Աղբյուր` Փաստինֆո