Փաստ ինֆո

Մեր հասարակությանը 1-2 տարի շարունակ ասում էին, որ նոր ավտոբուսներ, մինչդեռ իշխանությունը գնում է գազելների պատվիրման։ Այս մասին այսօր մամուլի ասուլիսի ժամանակ ասաց Երևանի ավագանու «Լույս» խմբակցության ղեկավար Դավիթ Խաժակյանը։

Դավիթ Խաժակյանը պարզաբանեց՝ ինչու է խոսքը գնում գազելի մասին։ Վերջինս համեմատեց տեխնիկական բնութագրերը, ինչն իր խոսքով ցույց է տալիս, որ քաղաքային իշխանությունների նպատակը եղել է հենց գազելի գնումը. «Տեխնիկական բնութագրերում նշվում է, որ պետք է լինի 130 ձիաուժ։ Այսինքն ասել են նվազագույնը 130՝ իմանալով, որ գազելը 139-ն է։ Տեխնիկական բնութագրի մեջ նաև նշել են այն պարամետրերը երկրաչափական չափերի, ինչը պետք է բերվի։ Այսինքն եթե ֆունկցիոնալությունը նշում ես, նստատեղերը նշում ես, չափերն ինչու՞ ես նշում։ Շատ պարզ նշում են, որպեսզի սահմանափակեն, որ մյուսները մասնակցելու հնարավորություն չունենան և հաղթի գազելը»,-նշեց Դավիթ Խաժակյանը։

Վերջինս նկատեց, երբ համապատասխան աշխատողը հանձնարարություն է ստացել, որ պետք է տեխնիկական բնութագիրը կազմի, Խաժակյանի խոսքով հանձնարարությունը ստացել է այնպես, որ պետք է «Գազել»-ը հաղթի. «Նա էլ վերցրել է «Գազել»-ի տեխնիկական բնութագրերը, որ հասկանա ինչպես գրի քաղաքապետարանի մրցույթի բնութագրերը։ Եթե ժամանակին Մարությանն ասում էր, որ փոխելու են այդ գազեները, խոսքը գնում էր հին գազելները նորով փոխելու մասին, ինչը տեղի է ունեցել 10 տարիների ընթացքում»,-ասաց Դավիթ Խաժակյանը՝ հավելելով, որ մրցույթի հաղթող է ճանաչվելու «Գազել»-ը։

Աղբյուր` Փաստինֆո