Փաստ ինֆո

«Գիտենք, թե ինչ միջադեպեր են տեղի ունեցել 15-ամյա գազելների հետ՝ Փաշինյանի ասած «մահվան գազելների» հետ, որոնք գերմաշված են։ Եվ, եթե այդ գազելներից որևէ մեկը վնասվի քաղաքում, պայթյուն տեղի ունենա, Աստված մի արասցե զոհեր ունենանք, քրեական գործ են հարուցելու, գտնեն այն շարքային աշխատողին, ով ստանում է ասենք 120 հազար դրամ աշխատավարձ»,- այս մասին լրագրողների հետ հանդիպմանն ասաց Երևանի ավագանու «Լույս» խմբակցության ղեկավար Դավիթ Խաժակյանը՝ անդրադառնալով այն տեղեկությանը, թե քաղաքապետարանը նոր մրցույթ է հայտարարում, որով գնելու է 100 նոր գազել։ Ըստ նրա՝ պատասխանատվության է ենթարկվելու նրան, ով, իբր, իմանալով «Գազելի» տարիքն այն գծից չի հանել, ասեն՝ դու գծերից չես հանել, այնինչ ներքին հրահանգը իրենք են տվել։
Խաժակյանը պնդում է, որ կամ պետք է 450 գազելները գծերից դուրս գան և մեր հայրենակիցների կյանքերը չվտանգվեն, կամ պետք է կառավարությունը այս որոշումը փոփոխի և իր վրա վերցնի պատասխանատվությունն այն մասով, որ 15 ամյա գազելները պետք է շահագործվեն Երևանի տրանսպորտային ցանցում։

«Մենք ըստ էության, գտնվում ենք երկու տարի Մարությանի ամփոփման շրջանում և այսօր առաջին իրադարձությունը, որ պետք է տեղի ունենա գործնական քայլով՝ տրանսպորտային համակարգի վերաբերյալ է, որը գուցե կայանա՝ ի տարբերության երկար ավտոբուսների գնման։ Այսօր ժամը 11.00-ին կայացած մրցույթը հույս ունեմ կկայանա։ Այդ 100 գազելը շատ բան չի փոխելու, բայց կոլապսը լինելու է վատ վիճակի, որովհետև այս տարի դուրս են մնացել ոչ միայն 450 գազել, այլև պանդեմիայի պատճառով գործը դարձել է ոչ շահութաբեր։
Խաժակյանը հիշեցրեց, որ նոր տրանսպորտային ցանցը բացառում է գազելները։ Հիշեցնում նաև խոստումները, որ 2-4 տարվա մեջ տրանսպորտի խնդիրը կլուծվի, սակայն այս երկու տարվա մեջ առաջին օրն է, որ մրցույթ պետք է հայտարարվի, բայց գազելների։

«Երբ Մարությանն ասում էր՝ «այն ինչ հնարավոր չէ պատկերացնել երեկ, արվում է այսօր»՝ խոսվում էր գազելների գնման մասին։ Եվ դա ամոթալի է քաղաքային իշխանության համար, երբ քո մասնավոր գծատերը անգամ չի համաձայնում գազել գնել և դու ստիպված ես համայնքային միջոցներով դրանք գնել, որոնք նոր տրանսպորտային ցանցում չեն կարող գործել։ Մեզ խոստացան մի բան՝ բերում են գազելներ։ Վտանգվում է երևանցիների կյանքը 15 տարին լրացած գազելներով։ Կառավարությունը չպետք է խուսանավի և կայացնի որոշում։ Քանի որ իրենք երկու տարի ձեռքերը ծալած նստել են, վարչապետը հարցնում էր՝ ի՞նչ է լինում էս գազելները, ոնցա լինելու, ունենք այսօր նոր գազելներ, որը երբևէ չի եղել քաղաքի պատմության մեջ, որ քաղաքապետարանը գազել գնի, գոնե կարելի էր 100 գազելի փոխարեն 80 միջին տեղատարողության ավտոբուս գնեին»,- ասաց Խաժակյանը։

Աղբյուր` Փաստինֆո