Փաստ ինֆո

Թաիլանդի մայրաքաղաք Բանգկոկում բազմօրյա ուսանողական բողոքների ֆոնին միապետների ակցիա է անցկացվել: Նրանք կոչ են արել պաշտպանել միապետությունը, հայտնում է Reuters-ը։

«Լոյալ թայլանդցի» միապետական կազմակերպության անդամները հանդես են եկել երեք պահանջներով՝ թույլ չտալ խորհրդարանի արձակում, երկրի Սահմանադրությունը փոխել միայն «պատշաճ ուղիներով» եւ խստորեն պատժել բոլոր նրանց, ովքեր ձգտում են հասնել պետական կարգի փոփոխության:

Մասնակիցներից ոմանք ծածանել են Թաիլանդի դրոշները, մյուսները պահել են արքա Մահա Վաչիրալոնգկորն Ռամ X — ի դիմանկարները եւ պաստառներ՝ «Փրկենք ազգին», «մի ճնշեք լոյալիստներին» եւ «միապետությունը կտապալվի՝ իմ դիակի վրայով» գրություններով: Միջոցառմանը մասնակցել է ավելի քան հազար մարդ, ընդ որում մեծամասնությունը տարեց մարդիկ են եղել։

Ակցիայի համար առիթ են հանդիսացել ուսանողական բողոքները, որոնք շարունակվում են ավելի քան մեկ ամիս։ Որոշ օրերին ցուցարարների թիվը գերազանցել է 10 հազարը։ Ցուցարարները պահանջում էին վարչապետ Պրայուտ Չան Օչիի հրաժարականը, որը իշխանության էր եկել 2014 թվականի ռազմական հեղաշրջումից հետո, նոր Սահմանադրության ընդունում եւ ընտրությունների անցկացում: Ոմանք կոչ են արել բարեփոխել միապետությունը՝ չնայած թագավորին վիրավորելու արգելքի խախտման ռիսկին, որը պատժվում է մինչեւ 15 տարի ժամկետով ազատազրկմամբ:

Մարտին հաղորդվել էր, որ Թաիլանդի 67-ամյա թագավոր Մահա Վաչիրալոնգկորն Ռամա Х -ը Գերմանիայում է անցկացնում նոր կորոնավիրուսային վարակի համաճարակը: Նրա հետ միասին շքեղ հյուրանոցում ինքնամեկուսացվել են 20 հարճեր և շքախումբը։ Ապրիլին միապետը կարճ ժամանակով Բանգկոկ է թռչել «Չակրի» փառատոնին, բայց հետո վերադարձել է: Մայիսին Մահան եւ նրա 20 հարճերը հեծանիվներով զբոսնել են ալպիական անտառում:

Թաիլանդի բնակիչները վրդովված են թագավորի պահվածքից։ Հենց որ նրա ուղեւորության մասին լուրը հայտնվել Է սոցցանցում, թաիլանդցիները Twitter-ում հեշթեգ են մտցրել, որը Թաիլանդից թարգմանաբար նշանակում է «մեր ինչին է պետք թագավորը»: Այդ հեշթեգի տակ ավելի քան մեկ միլիոն հրապարակում է գրվել։

Աղբյուր` Փաստինֆո