Փաստ ինֆո

Անգեղակեթի 6 կմ-անոց հատված կա, որ 40 րոպեում են անցնում և հաջորդ տարի ճանապարհը կնորոգվի։ Ահս մասին Սյունիքի մարզում ասել է ՀՀ վարչապետ Նիկոլ Փաշինյանը՝ դիմելով Անգեղակոթի բնակիչներին։ ՏԿԵ նախարար Սուրեն Պապիկյանը հայտնեց, որ գյուղացիները բարձրացնում են 14 կմ-ի խնդիր, որ նոր ճանապարհը հասնի մինչև հարակից գյուղ, ինչին ի պատասխան Փաշինյանն արձագանքեց՝ նորոգումը կիրականացվի երկու փուլով։ Նրանցից մեկը դժգոհեց, որ խորհրդային տարիներից ի վեր կառավարության ոչ մի անդամ մուտք չի մտել Մուծք գյուղ։ Նրա կարծիքով՝ այդ գյուղ մտնելն անհրաժեշտ է, քանի որ այն սահմանամերձ է և ամբողջ բանակն այնտեղ լցված է։ «Տավուշի մարզը օգտվում է ամեն ինչից, մենք ոչ մի օգնություն չենք ուզում, մենակ ճանապարհը սարքես»,- ասաց նա, ինչին ի պատասխան Փաշինյանն արձագանքեց. «Մի բան կարո՞ղ եմ խնդրել. Ուրիշ գյուղերի, ուրիշ մարզերի անուններ մի տվեք: Մի տնից չենք, մի հալից ենք, հարեւանի հարսը միշտ սիրուն է լինում: Իրենց թվում է, որ Տավուշում ամեն ինչ կա, իրենց մոտ չկա»։ 

Հավաքված բնակիչներից մեկն էլ դժգոհություն հայտնող գյուղացուն ասաց. «Լիսկային գնում էին Պորտաքարից դիմավորում էին, ոտների տակը գառ էին մորթում, ինչու՞ այն ժամանակ պահանջ չէիք դնում։ Հիմա բորբոքված խոսում ես»։

Վարչապետ Նիկոլ Փաշինյանը սյունեցիներին հայտնեց, որ պատրաստվում է մեկնել Արցախ։

Մանրամասները՝ տեսանյութում

Աղբյուր` Փաստինֆո