Փաստ ինֆո

«Մենք այստեղ ենք, որովհետև օրը ցերեկով ուզում են մեզնից գողանալ մեր երկիրը, որովհետև ուզում են գողանալ մեր երեխաների մանկությունը և ապագան։ Արայիկ Հարությունյանը պատմության մեջ մնալու է աղբամանում հայտնված նախարար»։ Այս մասին ԿԳՄՍ նախարարության մոտ բարձրաձայնեց «Կամք» նախաձեռնության ղեկավար Վահագն Չախալյանը։

Նախաձեռնության անդամները կրկին գոչում են՝ «Արայիկ, հեռացիր»։ Ակցիա են իրականացնում՝ պահանջելով նախարարի հրաժարականը։
«Արայիկ Հարությունյանը մեզանից տանում է եկեղեցին, հավատքը, այն ամենը, որ մենք ժառանգել ենք մեր պապերից։ Իսկ ո՞վ է Արայիկ Հարությունյանը։ Նա սեփական ժողովրդի կարծիքի վրա թքել ցանկացող մեկն է։ Նա այլևս ոչ ոք է, նա այլևս չկա, գոյություն չունի։ Նա նախկին քաղաքական գործիչ, նախկին նախարար է, ով հայտնվել է աղբամանում։ Արայիկը ոչ ոք է, նա պետք է հեռանա, որովհետև նրանից հետո մշակույթի վրա նստել է սատանա, նրա միջոցով երեխաների մանկության, ապագայի, ճակատագրի վրա նստել է սատանա։

Նրա միջոցով մեր կրթության վրա նստել է սատանա։ Մեր երիտասարդության, զինվորների, մեր ապագա մայրերի վրա նստել է սատանա։

Արայիկի հետ աթոռակից է աշխարհահռչակ սատանա Ջորջ Սորոսը։ Նրա հետ աթոռակից է դավադիր Ջորջ Սորոսը։ Նրա միջոցով սատանան ասում է, որ մենք՝ հայերս, լավ ազգ չենք, որ մեր կրոնը լավը չէ։ Սա է պատճառը, որ մենք ասում ենք Արայիկ Հեռացիր։ Արայիկը պետք է հեռանա, ժողովրդի պահանջը այլընտրանք չունի։ Նա պետք է հեռանա, քանի որ ծառայում է Լանզարոտեի, Ստամբուլյան կոնվենցիաներին, որովհետև նա ծառայում է այլանդակությանը և անառակությանը։ Արայիկ Հարությունյանը պետք է հեռանա, որովհետև նա չի վայելում հայ ժողովրդի վստահությունը»,- ելույթում ասաց Չախալյանը։

ԿԳՄՍ նախարարության մոտ բողոքի ակցիային «ԿԱՄՔ» հասարակական նախաձեռնությանը միացել են այլ ՀԿ-ներ, բուհ չընդունված դիմորդները և անհատներ։

Նախաձեռնության անդամների կողմից Հարությունյանի հրաժարականի պահանջով ակցիան արդեն մի քանի օր է մեկնարկել է։

Աղբյուր` Փաստինֆո