Փաստ ինֆո

«ԿԱՄՔ» հասարակական կազմակերպությունը ԿԳՄՍ նախարարության շենքի դիմաց ակցիա են իրականացնում՝ պահանջելով նախարար Արայիկ Հարությունյանի հրաժարականը։

Նախաձեռնության ղեկավար Վահագն Չախալյանը հայտարարեց. «Արայիկ, քո տեղն աղբամանում է», ինչին հաջորդեցին «Արայիկ հեռացիր» վանկարկումները։ Չախալյանը կոչ արեց ակցիայի մասնակիցներին ենթարկվել ոստիկանների պահանջներին, որքանով էլ դրանք անօրինական լինեն՝ վստահեցնելով, որ կգա ժամանակ, երբ հրամաններ իջեցնողները կկանգնեն օրենքի առաջ և պատասխան կտան, թե ինչու են ոստիկաններին նման անօրինական հրամաններ տվել, ինչու են ոստիկաններին օգտագործում՝ իրենց աթոռը պաշտպանելու համար։

«Արայիկ Հարությունյանն ով է, որ իրեն պաշտպանելու համար այսքան ոստիկան է հավաքվել և այսքան ոստիկանական ուժերի օժանդակությամբ իրենք ուզում են կյանքի կոչել հակահայկական ծրագրի։ Մենք թույլ չենք տալու։ Արայիկ հեռացիր»,-ասաց Չախալյանը։

Նշենք, որ ոստիկանները բերման են ենթարկել ակցիայի մասնակիցներից մի քանիսին։
Չախալյանն էլ հորդորեց ոստիկանության ծառայողներին՝ չենթարկվել անօրինական, ապօրինի հրահանգներին։
«ՀՀ քաղաքացին տուգանքի մատերիալ չէ»,- ասաց նա։

Աղբյուր` Փաստինֆո