Փաստ ինֆո

Բայց փորձադաշտ դարձնել երեխաների՞ն, դա արդեն չի լինելու, էդ մեկը թույլ չենք տալու, ինչքան էլ առաջնագիծ հանեք ՊՈԱԿ-ի և մյուս ֆեյք դրուժիննիկների դասակներն ու դրան կցեք Գլենդել-նա-դանուի քիսոյատիպ կեղտաջրերին: Այս մասին ֆեյսբուքում գրել է ԱԺ «Բարգավաճ Հայաստան» խմբակցության պատգաամավոր Նաիրա Զոհրաբյանը։

Միզանտրոպը իրավունք չունի երեխայի ճակատագիր որոշելու

Այսօր կրկին խոսել եմ մանկական հոգեբանների, բժիշկների, սոցիոլոգների հետ: Փորձել եմ հասկանալ` նրանցից որևէ մեկին կրթության ու ամեն ինչի նախարարությունը հարցրե՞լ է, երբ որոշում էր, որ 6 տարեկան երեխան ժամերով պիտի դիմակով նստի, դասամիջոցին դասարանում զմռսված մնա, զրկված լինի սոցիալական շփումներից: Որքան հասկացա, որևէ մասնագետի հետ նախարարությունը այդ հարցը չի քննարկել:
Եվ ի վերջո, ո՞վ են մասնագետները, որ նրանց հետ հեղափոխությամբ հաղթածները բան քննարկեն: Իրենք իրենցով նստել, «դոք» ֆայլը բացել ու երևի «ղժժալով» չափորոշիչների տեքստը շարել են, տվել են իրենցից մեկի ձեռքը, ասել են` կարտասանես:
Հարցնում ես մանկական հոգեբաններին, բժիշկներին, ասում ես`բա ինչո՞ւ եք լռում, պատասխանը զարհուրելի է` «վախենում ենք գործից հանեն, կամ` սոցցանցերում ֆեյքաքֆուրախեղդ անեն»:

Ում դուխն էլ մի քիչ հերիքում է, վախվորած մի երկու բան է ասում ու պախկվում։

Էն, ինչ որ արվում է հայ գրականության, հայ եկեղեցու ու ընդհանրապես` հայկականության դեմ, զարհուրելի է: Բայց անգամ ամենահուսահատ անզորության պահին մտածում ես, որ կգա ժամանակը ու էս հակահայկականության անիվը կրկին հետ կպտտեցնես. էս ամենը ընդամենը ժամանակի հարց է:

Բայց փորձադաշտ դարձնել երեխաների՞ն, դա արդեն չի լինելու, էդ մեկը թույլ չենք տալու, ինչքան էլ առաջնագիծ հանեք ՊՈԱԿ-ի և մյուս ֆեյք դրուժիննիկների դասակներն ու դրան կցեք Գլենդել-նա-դանուի քիսոյատիպ կեղտաջրերին:

Միզանտրոպը, մարդատյացը, իրավունք չունի երեխաների ճակատագիր որոշելու ու երեխաների վրա իրենց չստացված պերֆորմանսների նման փորձարարական տրյուկներ անելու:

Փորձելու եմ առաջիկա օրերին հարցը քննարկել ու լուծում գտնել խորհրդարանի կրթության գլխադասային հանձնաժողովում, խորհուրդ տալով հրավիրել նաև մանկական հոգեբանների և բժիշկների:

Կստացվի`լավ, չի՞ ստացվի, մեկ է` ձեզ ձեր անառողջ էքսպերիմենտների համար երեխա տվող չկա:

Ինձ էս օրերին հարցնում եմ, լավ, ի՞նչ կարող էին անել:

Կարող էին օգոստոսի 15-ից բացօդյա դասեր կազմակեպել, դպրոցների մեծ մասը բաց տարածքներ ունի, նավեսներով և սոցիալական հեռավորությունը պահպանելով ու մինչև հոկտեմբերի կեսերը էդ ռեժիմով դաս անել։ Հետո, կախված համաճարակի ընթացքից, այլ լուծումներ գտնել:

Բացառությամբ այն «կոնսլագերային» լուծումի, որը հիմա առաջարկվում է:

Ի դեպ, սկսել եմ կարդալ Օսվենցիմի կոմենդանտ Խյոսսի հակամարդկային էքսպերիմենտների մասին։
Տարօրինակ հոգեբանական ընդհանրություններ կան մեր օրերի հետ։

Աղբյուր` Փաստինֆո