Փաստ ինֆո

Արցախի հերոս Վիտալի Բալասանյանը շնորհավորել է Ն.Ս.Օ.Տ.Տ. Գարեգին երկրորդ կաթողիկոսին՝ ծննդյան տարեդարձի առթիվ։

«Այսօր Ամենայն Հայոց կաթողիկոս Գարեգին Բ-ի ծննդյան տարեդարձն է

Վեհափառ Տեր

Արցախ աշխարհի հավատավոր զավակների եւ իմ անունից սրտանց շնորհավորում եմ Ձերդ Սրբությանը՝ ծննդյան կապակցությամբ: Ձեր մարդկային վեհանձնության, բարեգթության, խաղաղասիրության, խորիմաստության ու առաքինության շնորհիվ բարձր գնահատանքի է արժանի Ձեր ավանդը Հայաստանյայց Առաքելական Սուրբ Եկեղեցու առավել զորացման, պետություն-եկեղեցի կապերի զարգացման, աշխարհասփյուռ հայությանը մայր հայրենիքի շուրջ առավել համախմբման, համահայկական կարեւորագույն ծրագրերի իրականացման եւ եկեղեցաշինության ասպարեզում:

Մենք լի ենք վճռականությամբ զորակից լինելու Ձեզ եւ մեր Սուրբ Եկեղեցուն՝ առավել զորացնելու Հայ Առաքելական Սուրբ Եկեղեցու դերակատարությունը եւ առաքելությունը մեր ժողովրդի կյանքում:

Թո՛ղ Աստված առողջություն, անսպառ ուժ ու կորով պարգեւի Ձեզ՝ նոր իրագործումներով ու շնորհումներով զարդարելու մեր Եկեղեցու առաքելությունն ի շինություն մեր երկրի, եւ ի մխիթարություն աշխարհասփյուռ մեր ժողովրդի:

Վեհափառ տեր

Լիահույս եմ, որ Ձեր հետագա գործունեության տարիները եւս առլեցուն կլինեն աստվածահաճո եւ արդյունաշատ գործերով։

Որդիական խոնարհությամբ մատչիմ համբույր Ձերդ Սուրբ եւ Օծյալ Աջույն:

Հայ Առաքելական Սուրբ Եկեղեցու հավատավոր զինվորյալ զավակ,

Արցախի հերոս Վ. Բալասանյան»,- գրել Բալասանյանը։

Աղբյուր` Փաստինֆո