Փաստ ինֆո

Հղի եւ կերակրող կանանց արգելել են պատվաստվել «Гам-КОВИД-Вак» կորոնավիրուսի դեմ ռուսական պատվաստանյութով: Դա հետեւում է դեղամիջոցի կիրառման հրահանգից, փոխանցում է ՌԻԱ Նովոստի- ն:

Ի թիվս հրահանգների մեջ նշված այլ հակացուցումների նշված են՝ պատվաստանյութի բաղադրիչներից որևէ մեկի հանդեպ գերզգայունությունը, ծանր ալերգիկ ռեակցիաները անամնեզում, սուր վարակիչ եւ ոչ վարակիչ հիվանդությունները, քրոնիկ հիվանդությունների սրացումը: Նման դեպքում, պատվաստումը տեղի կունենա երկուսից չորս շաբաթ հետո՝ հիվանդության թեթևացման կամ լրիվ առողջացման դեպքում: Եթե հիվանդը ունի ոչ ծանր SARS, ստամոքս-աղիքային տրակտի սուր վարակիչ հիվանդություններ, ապա նրան կպատվաստեն ջերմության կարգավորվելուց հետո:

Զգուշությամբ դեղամիջոցը պետք է օգտագործվի նրանց համար, ովքեր ունեն երիկամների և լյարդի քրոնիկ հիվանդություններ, արյունաստեղծ համակարգի ծանր հիվանդություններ, ինսուլտներ, էպիլեպսիա և կենտրոնական նյարդային համակարգի, սիրտ-անոթային համակարգի, թոքերի այլ հիվանդություններ:

Պատվաստանյութի պիտանիության ժամկետը կես տարի է: Պատվաստումը պետք է արվի այն վայրերում, որտեղ կան հակաշոկային թերապիայի միջոցներ: Հրահանգում նշվում է, որ գերդոզավորման ռիսկը չափազանց ցածր է, դեղամիջոցի նկատմամբ հատուկ հակադոտներ չկան:

Կորոնավիրուսի դեմ աշխարհում առաջին պատվաստանյութը գրանցվել է Ռուսաստանում՝ «Սպուտնիկ V» անվանումով։ Օգոստոսի 15-ին գործարկվել է դրա արտադրությունը։ Առաջինը պատվաստվելու են ռիսկային խմբերից բժիշկներն ու քաղաքացիները։ Սեպտեմբերի կեսերին կսկսվի ռուսաստանցիների զանգվածային պատվաստումը։ Ռուսաստանում մեկնարկել է պատվաստանյութի պաշտոնական կայքը, որտեղ ներկայացված են ռուսական մշակման վերաբերյալ բոլոր ընդհանուր տեղեկությունները եւ գլխավոր նորությունները: Կայքը հասանելի է յոթ լեզուներով:

Աղբյուր` Փաստինֆո