Փաստ ինֆո

Քրեական հեղինակություն Նադիր Սալիֆովին՝ Լոթա Գուլի մականունով, գնդակահարել են թուրքական Անթալիայի ռեստորանում, հայտնում է ՌԻԱ Նովոստի - ն՝ հղում անելով Բաքվի իրավապահ մարմինների աղբյուրին:

«Լոթա Գուլին սպանվել է ատրճանակից մի տղամարդու կողմից, որը նրա հետ ընթրել էր Անթալիայի ռեստորաններից մեկում։ Սպանվել է գլխին արձակված կրակոցով։ Գուլին ծանր վիճակում տեղափոխվել է հիվանդանոց, սակայն նրան փրկել չի հաջողվել», — ասել է գործակալության զրուցակիցը։

Նրա խոսքերով՝ Սալիֆովի մարդասպանը փախել է դեպքի վայրից, սակայն նրան ձերբակալել են Դենիզլի քաղաք տանող մայրուղու վրա։

«Նախնական տվյալներով՝ ձերբակալվածը քրեական աշխարհի մեկ այլ ներկայացուցիչ է՝ Խան Ահմեդլինսկի մականունով, որը մտնում էր Լոթա Գուլիի մերձավոր շրջապատի մեջ», - հավելել է զրուցակիցը:

Ինչպես տեղեկացնում է Lenta.ru-ն՝ զոհվածը ժամանակակից «գողական աշխարհի» ամենահայտնի ներկայացուցիչներից մեկն էր: Ծնվել է 1972 թվականին, նա տարիներ շարունակ գտնվել է Ադրբեջանի գաղութներում։ Գուլին «օրենքով գող» է դարձել 2000 թվականին։ Ընդ որում հեռակա կարգով՝ այն ժամանակ նա նստած էր ճաղերի հետևում, իսկ նրա թագադրումը կազմակերպվել էր ազատության մեջ գտնվող երկու կնքահայրերի կողմից՝ Ռաուլ Կիրիայի (Ռաուլ Ռուսթավսկի) և Ջեյրան Ասլանովի (Ջեյրան Ռուսթավսկի)։ 2017 - ին նա ազատվեց ադրբեջանական բանտից հերթական 12-ամյա ժամկետից հետո և տեղափոխվեց Թուրքիա, որտեղից ղեկավարում էր իր քրեական կայսրությունը։

2019 թվականի նոյեմբերի 1-ին հաղորդվել էր, որ ռուս քննիչները քրեական գործ են հարուցել՝ հանցավոր հիերարխիայում բարձրագույն դիրք գրավելու վերաբերյալ, արտասահմանում թաքնվող ադրբեջանցի քրեական հեղինակություն Նադիր Սալիֆովի նկատմամբ, որը հայտնի է որպես Լոթա Գուլի, հիշեցնում է պարբերականը։

Աղբյուր` Փաստինֆո