Փաստ ինֆո

ՀՀ 3-րդ նախագահ Սերժ Սարգսյանի այսօրվա ասուլիսը նրա հրաժարականից հետո առաջինն էր և կոնկրետ թեմայի շուրջ էր՝ ապրիլյան պատերազմի, այդ համատեքստում՝ ցանկացած հարցի, որը հուզում է մեր հանրությանը:

Բնականաբար, ասուլիսի ընթացքում հնչած մտքերին, տեսակետներին ու տեղեկատվությանը առաջիկայում անդրադարձներ կլինեն՝ դրանք վերլուծելու և գնահատելու առումով, բայց մինչ այդ, փաստենք որ որոշ արձագանքներ արդեն իսկ կան, ընդ որում՝ մեկն Ադրբեջանի ԱԳՆի կողմից, Ս. Սարգսյանի արտահայտած Ադրբեջանի գործողություններում տեսանելի՝ թուրք-իսրայելական հետքերին: Ինչ վերաբերվում է ասուլիսից հետո հնչած «հանրային» ձայնին, որով ասուլիսից հետո Ստյոպա Սաֆարյանը արագի մեջ ապացուցված համարեց «Հաղթանակի ապրիլ» ֆիլմի սցենարի մեջ Սերժ Սարգսյանի անմիջական մասնակցությունը:

Իսկ ի՞նչ է, «Իսկանդերով» չռմբահարելու վերաբերյալ փաստարկներին կամ՝ հին, 80-ականների զենքերով կռվելու թեմային չպե՞տք է անդրադառնար, կամ՝ մյուս բոլոր փաստերին…

Ասուլիսի հենց սկզբում Ս. Սարգսյանը հայտարարեց այն պայմանների և բացառությունների մասին, որոնք որոշել և պարտավորվել է պահպանել: Դրանցից մեկը մինչ ապրիլյան պատերազմի քննիչ հանձնաժողովի զեկույցի հրապարակումը ԱԺ-ում՝ հանձնաժողովի արված բանավոր դիտարկումներին արձագանքելուց զերծ մնալն էր, որն, ըստ էության, նա պահպանեց:

Իհարկե, լրագրողները չէին կարող 2 տարվա լռությունը վերջապես խախտած ՀՀ 3-րդ նախագահին իրենց հետաքրքրող հարցերը չուղղել, որքան էլ որ դրանց պատասխաններին հետագա ասուլիսների ժամանակ պատասխանելու խոստումներ տրվեին, միևնույն է, հույս կար, որ կարճ պատասխաններ թեկուզ կտրվեն իրենց թեմայից դուրս հարցերին:

Ընդհանուր առմամբ, դատելով լրատվամիջոցներին հետաքրքրող հարցերի լայն շրջանակից և դրանց առատությունից, պիտի ենթադրել, որ Սերժ Սարգսյան պետական, ռազմական և քաղաքական գործչից հայ հասարակությունը լուրջ սպասելիքներ և ակնկալիքներ ունի, նրա պատասխանները և տեսակետները շարունակում են մնալ և լինել հանրային կարևորության տիրույթում:

Ասուլիսը, հաջողված էր, որի ընթացքում, կարծում եմ, ապրիլյանի վերաբերյալ մի շարք կարևոր հարցերի հստակ պատասխանները տրվեցին հենց առաջին ձեռքից:

Ասուլիսն ինչ-որ առումով 30 տարի պետական կարևորագույն պաշտոններ զբաղեցրած և իր սիրած խոսքով՝ դանդաղ շտապող գործչի՝ տևական լռությունից հետո հստակ ուղերձն էր նրանց, ովքեր հավակնում են պետություն ղեկավարել:

Ընդ որում, և՛ հանձինս ՌԴ-ի՝ ռազմավարական դաշնակցի հետ ունեցած հարաբերությունների, և՛ թշնամի պետությունների համատեքստում և Հայաստանը՝ տարբեր ժամանակահատվածներում, այդ թվում, նաև այսօր ղեկավարած-ղեկավարող գործիչների… Ս. Սարգսյանի հրապարակային հայացքն իր նախորդների և հաջորդների հանդեպ անցյալի և ապագայի շարունակականությունը չխաթարելու մասին է, առաջնայինը երկրորդականից զանազանելու և Հայաստան-Արցախ անվտանգությունը ամեն ինչից վեր դասելու մասին:

Հեղինակ՝ Ա. Ե.

Աղբյուր` Փաստինֆո