Փաստ ինֆո

Բռնցքամարտիկ Իսրայել Հակոբկոխյանը րոպեներ առաջ դադարեցրել է հացադուլը, ընկերների և քահանայի ուղեկցությամբ այս պահին ուղևորվում է դեպի տուն։Այս մասին «Փաստինֆո»–ին հայտնեց Գառնիկ Իսագուլյանը, որ այս պահին գտնվում է մարզիկի կողքին.

«Հացադուլը դադարեցնելու որոշումը Իսրայելը կայացրեց այն բանից հետո, երբ մի քանի կանայք, հայտարարեցին, որ նրան են միանում և նստում հացադուլի։ Իսրայելն ասաց, որ չի կարող թույլ տալ, որպեսզի այս իշխանությունների պատճառով կանայք ևս հացադուլի նստեն։ Բացի այդ առավոտվանից Իսրայելի կողքին ծառայություն իրականացնող բժիշկները հայտնեցին, որ օրգանիզմում շաքարի մակարդակը վտանգավոր ցուցիչներ է գրանցել և եթե նա շարունակի հացադուլն, ամեն րոպե կարող է կոմայի մեջ ընկնել»։

«Փաստինֆո»-ի հարցին՝ արդյո՞ք բավարարվել էին բռնցքամարտիկի պահանջները՝ մասնավորապես քաղաքական ազդեցիկ ուժերի համախմբման պահանջը, Գառնիկ Իսագուլյանը պատասխանեց.

«Գիշերվանից նրան են այցելել գրեթե բոլոր քաղաքական ուժերի ներկայացուցիչները, և հայտնել, որ համախմբումմ ամենամոտ ապագայում տեղի կունենա, այնպես որ՝ հացադուլը շարունակելու կարիք, այլևս չկար, հատկապես՝ բժիշկների նախազգուշացումից հետո»։

Աղբյուր` Փաստինֆո