Փաստ ինֆո

Օգոստոսի 11-ին՝ հին տոմարով Նավասարդի գիշերը Հայաստանի երկնքում փայլատակել է Հայկ նահապետի աստղը, գտնվել է մեր պապերի գերգիտությունը, որ երկար դարեր կորած էր, - «Փաստինֆո»-ին բացառիկ մանրամասներ է ներկայացրել հին քաղաքակրթությունների անկախ փորձագետ Վազգեն Գևորգյանը՝ նշելով, որ այն մեր ինքնության բանալին է, որ տալիս է հայկականության հարատև գոյության հարցի երկար փնտրված պատասխանը։

«Օգոստոսի 11-ի գիշերը մեր արշավախումբը հայկական զրո ժամին ողջ աշխարհում անասելի բացահայտում է գրանցել՝ ջուրը փոփոխել է իր արժեքային համակարգը՝բալանսավորելով իրենում առկա դրական և բացասական իոնների հարաբերակցությունը։ Երևույթը ֆիքսել են միաժամանակ երեք երկրների գիտական խմբեր՝ Հայաստանում, Բուլղարիայում և Ռուսաստանի Դաշնությունում։ Միևնույն ժամանակ, հավասարակշռվել է ժամանակը՝ գալով զրո ժամի և որպես արդյունք աշխարհում գրանցելով էներգետիկ հզոր փոփոխություններ։ Մենք մեր աչքերով գիշերային երկնքում տեսանք նեոնային սպիտակ էներգետիկ փայլատակումներով մի գունդ, որը ծնվեց ոչնչից և բոցավառվելով մեծացավ՝ հասնելով մինչև 200 հարկանի շենքի մեծության։ Այդ երևույթը նկատելի եղավ և՛ Հալիձորում, և՛ Արարատ լեռան վրա։ Սա նոր դարաշրջանի ազդարարում էր, տիեզերական ժամանակը ճիշտ հաշվարկելու մեր կարողությունը, քաղաքակրթության գաղտնիքների և առեղծվածների բացահայտման բանալին, որ դարեր շարունակ կորսված է եղել և, փաստորեն, նորից վերադարձավ մեզ՝ հայերիս»։

Հին քաղաքակրթությունների անկախ փորձագետ Վազգեն Գևորգյանը պատմել է՝ այն, ինչին ականատես են եղել իրենք օգոստոսի 11-ի գիշերը՝ ողջ գիտական արշավախմբի հետ միասին, անբացատրելի հաղթանակի մեկնարկն է, որի մասին պատմող եռալեզու ֆիլմ է պատրաստվում։ Շուտով ֆիլմը հասանելի կլինի հասարակության լայն շերտերի համար։ Վազգեն Գևորգյանը առանձնահատուկ շեշտում է՝ շնորհակալ է բոլոր այն մարդկանց, ովքեր իրենց կողքին են եղել այս ողջ ընթացքում, որոնց միակամ ջանքերի շնորհիվ կյանքի է կոչվել աշխարհի համար կարևորագույն այս բացահայտման լայն սփռման հնարավորությունը՝ հիշատակելով հատկապես՝ Հարություն Մանուկյանի, Նիկոլայ Դավթյանի և «Բնօրրան» հասարակական կազմակերպության անունները։

Մանրամասնեը՝ տեսանյութում

Աղբյուր` Փաստինֆո