Փաստ ինֆո

Աշխարհում հիմա էլ Հայկի ու Բելի պայքար է գնում, չարի ու բարու կռիվ է։ Մեր երկիրը համաշխարհային կարևորություն է ձեռք բերում, - «Փաստինֆո»-ի հետ զրույցում ասել է հեքիաթասաց Հայկ Կիրակոսյանը:

Նրա դիտարկմամբ` բաբելոնաշինությունը մշտական միտում է՝ բոլորին ենթարկեցնել մի խումբ կառավարիչների շահերին՝ մի կողմ դնելով ազգային, տնտեսական, մշակութային և բոլոր տեսակի շահերը, այլ կերպ ասած՝ սա անհատականության լղոզումն է, տոտալ վերահսկողության պարտադիր պահանջը։ Աշխարհում գլոբալ փոփոխություններ են տեղի ունենում՝ ֆինանսական, ռազմական բնույթի վերադասավորումներ, որոնք հաճախ թաքնվում են համաճարակի քողի ներքո, ինչպես հիմա՝ մեր օրերում է։ Վտանգավորն այստեղ այն է, որ եթե նախորդող ժամանակներրում դա տեսանելի պայքար էր՝ զինված ռազմական գործողություններ և այլն, ապա հիմա աշխարհը մտել է այնպիսի տիրույթ, երբ հակահամակարգի մասին խոսելիս պետք է հասկանալ, որ մենք գործ ունենք ոչ թե մարդկային խմբի, պետության կամ ազգի հետ, այլ մի համակարգի, որը տիրապետում է աշխարհի ամենամեծ ռեսուրսներին՝ կլինի ֆինանսական, հողային, ռազմական, թե մեկ այլ։

«Առհասարակ, Հայաստանին այս ամենի մեջ մեծ դեր է վերապահված, մեր երկիրը համաշխարհային կարևորություն է ձեռք բերում, - ընդգծել է Հայկ Կիրակոսյանը ու ավելացրել. «մեծ գերտերություններն անասելի հետաքրքրություն ունեն այս տարածքում։ Ես դեռևս 2014-ին խոսել էի Չինաստանի՝ այս տարածաշրջանում գերկարևոր գործընկեր դառնալու հեռանկարի մասին, ինչին մենք այսօր արդեն ականատես ենք լինում՝ Հայաստանում 15 մլրդ դոլլարի ներդրման տեսքով և ոչ միայն»։

Ըստ Հայկ Կիրակոսյանի՝ առաջիկայում հմաշխարհային ճգնաժամեր կլինեն, դոլլարի դիրքերը կխալխլվի, մինչև 2024 թվականը ԱՄՆ-ն կզիջի գերպետության իր դիրքերը, մարդը կմտնի բոլորովին այլ տիրույթ. «Կարելի է վստահ ասել, որ կորոնավիրուսային համավարակից հետո աշխարհն այլևս երբեք նույնը չի լինի։ Պտահական չեն նաև աշնանը սպասվող նոր ալիքի մասին ակնարկները և բոլորովին պարտադիր չէ, որ դա նույն կորոնավիրուսը լինի։ Այսօրինակ համաշխարհային զարգացումների հետևում մշտապես ստվերային ուժեր են կանգնած, որոնք ստեղծում են իրավիճակներ և ծառայեցնում իրենց գլոբալ նպատակների իրագործմանը»։

Խոսելով վեջին տարիների զարգացման տենդենցների մասին Հայկ Կիրակոսյանը նկատում է. «Աշխարհում գերիշխող դիրքեր գրավելու պայքար է մղում արհեստական ինտելեկտը, որին մենք ամեն օր սնուցում ենք, ժամանակակից մեր կենսակեպով։ Google-ն այսօր փաստացի ավելի շատ բան գիտի մեր մասին, քան մեր ընտանիքի անդամները։Այլ կերպ ասած, մարդն ինքնակամ գնում է իր վրա նոր վերահոսկողություններ սահմանելու ուղիով»,- «Փաստինֆո»-ի հետ զրույցում ասում է Հայկ Կիրակոսյանը։

Հեղինակ՝ Նվարդ Մանվելյան

Աղբյուր` Փաստինֆո