Փաստ ինֆո

Երևանի Եկմալյան փողոցի 4-16 շենքերի բնակիչների բնակարանները շուրջ 15 տարի առաջ գերակա շահ են ճանաչվել, քանդվել, սակայն անտուն մնացած բնակիչները մինչ օրս որևէ փոխհատուցում, որևէ բնակարան չեն ստացել:

Բնակիչները՝ շուրջ 27 ընտանիք, շարունակում են պայքարել իրենց իրավունքների համար: Այսօր նրանք կառավարության շենքի առջև էին՝ վարչապետ Նիկոլ Փաշինյանի հետ հանդիպելու ցանկությամբ։

«Մենք տուժած անձնավորություններ ենք, որոնց տները 2006 թվականից կեսը քանդել են, կեսը մնացել է, որովհետև Պապոյան Գագիկը խոսք էր տվել, որ այդտեղ պետք է շենք կառուցվի, համ բնակիչներին տուն տար, համ էլ բարձրահարկ շենք կառուցեր, բայց հանրային գերակա շահով որոշված էր, որ քաղաքապետարանը պետք է շենք կառուցեր, էդ հարցը դրված էր։ Արագ-արագ սկսեցին բուլդոզերները բերել, ժողովրդին համոզել, որ այդ տեղամասում շենք կկառուցվի՝ մինչև հիմա էդ հարցը լուծված չէ»։

Տիկին Անահիտը ամեն անգամ պնդում է, որ ապրում են խոզանոցում։ Իրենց պարբերաբար ասում են, որ հարցը նիստին կդրվի, կլուծվի՝ մինչև հիմա ոչ մի փոփոխություն չկա։

«Որոշ մարդիկ ապրում են շների, կատուների, կրծողների հետ, որոշ մարդիկ տեղ չունեն ապրելու, մի մասը վարոձով են ապրում 14 տարի, մի մասն էլ մահացել են էս դարդ ու ցավից։ Մարդիկ չեն կարողանում իրենց սեփական տներից մի փոքր անկյուն ստանան, ինչպես ասում է Նիկոլ Փաշինյանը՝ իրենց տներում մնան, որ չվարակվեն։ Շատերը կարելի է ասել փողոցում են քնում։ Պայքարում ենք, գալիս ամեն հինգշաբթի ցույցեր ենք անում, արդեն բոլորիս նյարդերը քայքայված, մեզնից մեկը՝ հաշմանդամ մարդ է՝ ոչ տեսնում է, ոչ նորմալ քայլում, եկել է այստեղ։ Շատ ենք խնդրում պարոն Նիկոլ Փաշինյանին, մեկին առաջադրի, որպեսզի Եկմալյանի հարցը լուծվի»։

Տիկին Անահիտը տեղեկացրեց, որ կառուցապատող կա, բայց չեն թողնում բարձրահարկ շենք կառուցի, որ և բնակիչներին փոխհատուցեն, հետո շենքը կառուցեն, բայց հինգ հարկանի շենքով այս հարցերը չեն լուծվելու։

«Նիստ պետք է լիներ՝ Ավագյան Հայկը պետք է զբաղվեր, ինքը հիմա չի զբաղվում, տվել են Սուրեն Ղամբարյանին, որպեսզի հարցով զբաղվի, մինչև հիմա պատասխան չկա։ Մեզ հորդորում են, որ անպայման գնացեք, մենք նիստում կքննարկենք։ Հայկ Ավագյանը խոստումներ տվեց, չկարողացավ հարցը առաջ տանել։ Կան բնակարաններ, որ մի քանի անձ է գրանցվել, դրա համար էլ չեն կարողանում հարցը լուծել։ Հարցը պետք է լուծի գլխավոր ճարտարապետը։ Քաղաքապետարանը ուղարկում է կառավարություն, այստեղից էլ քաղաքապետարան են ուղարկում»։

Մանրամասները՝ տեսանյութում

Աղբյուր` Փաստինֆո