Փաստ ինֆո

Երևանի Եկմալյան փողոցի 4-16 շենքերի բնակիչները վրդովված են իրենց խնդրի նկատմամբ Երեւանի քաղաքապետի եւ սոցապնախարարի վարքագծից։ Մինչդեռ նրանց բնակարանները քանդվել են շուրջ 15 տարի առաջ ու մինչ օրս որևէ փոխհատուցում չեն ստացել: Բնակիչները հայտնում են, որ այս տարիներին վարձով են ապրել, որովհետև իրենց հանրային գերակա շահ ճանաչված բնակարանների դիմաց փոխհատուցում չի հատկացվել: Պահանջում են նախ՝ առաջին կարգի հաշմանդամներին օրինական հասնող դեղորայքները, հետո պատրաստվում են դիմել դեսպանատներ՝ ցանկացած երկրում կացություն ստանալու համար։ 

«Հայկ Մարությանն ասուլիսի ժամանակ արհամարհանքով ասում է՝ էն մի քանի հոգին։ Ոնց էդ մի քանի հոգին, ո՞ր կռավաթները բերենք, ո՞ր սայլակները բերենք, որ դուք տեսնեք, որ մի քանի հոգի չեն։ Ես կոչս հղում եմ ամբողջ թասիբով հայ ազգին, մենք ունենք թասիբով լավ տղեք խնդրում եմ, քանի որ մենք անտեր ենք, չունենք երկրի տերեր՝ օգնեք։ Ես մենակ չեմ հասցնում, միայն կարողանում եմ հացի փող հասցնել։

Կլինեք դրսի հայեր, աղաչում եմ, կանգնեք մեր կողքին։ Շուտով ձմեռ է, եկեք մի հատ տեսեք՝ շունն էլ չի ապրի այդ տանը։ Չկա ոչ մի կոմունալ պայման, ջուր ու կոյուղի չկա՝ էս ինսուլտ տարած մարդուն մենք ո՞նց պահենք։ Ես խնդրում եմ՝ ով ինչով կարող եք օգնեք։ Ես աղաչում եմ, քանի որ մենք չունենք ոչ վարչապետ, ոչ առողջապահության նախարար, ոչ սոցապ նախարար։ Մեկ տարի է դեղերը գրում ենք, զանգում ենք նախ չենք ընկնում, պետք է Կրեմլ զանգես, որովհետև երևի էնտեղ ավելի շուտ կընկնես։ Պահանջում ենք դեղերը, որը օրինական հասնում է առաջին կարգի հաշմանդամին»,- նշեց ցուցարարն՝ ավելացնելով, որ դիմելու են դեսպանատներին՝ ցանկացած երկրում կացություն ստանալու ակնկալիքով։

« Մենք պետության կարիքներից տուժած ենք։ Մենք գինդով հայտարարություն չենք տվել, որ գաք խաբեք ու քանդեք մեր տները։ Էն մյուս շենքի արտիստն էլ չի պատասխանում մեր դիմումին։ Ես մտնելու եմ դատարան, դիմումները պետքա տան, որ մեր իրավունքները պաշտպանենքն։ Ուրա մարդու իրավունքների պաշտպանը՝ մեր իրավունքները ոչ թե ոտնահարված են, այլ կատոկած»։
Մանրամասները՝ տեսանյութում։

Աղբյուր` Փաստինֆո