Փաստ ինֆո

Փաշինյանը՝ թավշյա հեղափոխությունից հետո վարչապետի աթոռն զբաղեցնելով և հագնելով իր իսկ խոսքով՝ Սերժ Սարգսյանի համար կարված կոստյումը, որոշեց հասնել և անցնել Սերժ Սարգսյանին: 

Այսինքն, եթե ՀՀ երրորդ նախագահն հայտարարել էր 2040-ին Հայաստանի բնակչությունը 4 միլիոն դարձնելու մասին, Ն. Փաշինյանն անպայման պիտի նույն մոտիվացիայով հայտարարեր, թե՝ 2050-ին պիտի 5 միլիոնանոց բնակչություն ունենանք:

Զարեհ Սինանյան անունով թավշյա պաշտոնյան, որը տարիներ առաջ Հայաստանից Լոս Անջելես հեռացած և 2019-ին սփյուռքի գծով հանձնակատար դարձած ՀՀ վերադառնալով որևէ լուրջ բան արած չունի, քան՝ Սփյուռքի նախարար Հրանուշ Հակոբյանի բոլոր ծրագրերի անվանումները փոխած ներկայացնելը, վերջերս հայտարարեց Փաշինյանի կրակած այս թիվը իրականություն դարձնելու մասին:

Հանձնարարություն ստանալով լուրջ գործ անել, այն է՝ իսպառ փոխել Հայաստանի ժողովրդագրական պատկերը, նա անզոր լինելով սփյուռքահայերի շոշոփելի ներգաղթ ապահովել, այս համատեքստում Իսպանիայի քրիստոնյա արաբներով, Հնդկաստանի հնդիկներով և զարմանազան այլազգիներով է ուզում ժողովրդագրական խնդիրներ լուծել: Ի դեպ արդեն մի երկու տարի է Հայաստանում հնդիկների փոխարեն ՀՀ-ն որպես պետություն չճանաչող Պակիստանի քաղաքացիներ են շրջում, այնպես որ, քրիստոնյա արաբների փոխարեն էլ շատ հնարավոր է մուսուլմանական տարրեր մուտք գործեն Հայաստան:

Իսկ թե որն է սրա նպատակը, հանրությունը հասկանում է և դիմադարձում Հայաստանը այլազգիների խառնարանի վերածելու այս վտանգավոր, հակապետական մտահղացմանը: Ֆեյսբուքյան գրառում կարդացի, որի հեղինակը շեշտում էր՝ ,,Մենք Սոդոմ-Գոմորի ու բաբելոնյան՝ լեզուների խառնարանի վերածելու հայրենիք չունենք: Հայաստանը չունի չբնակեցված անծայրածիր հողեր, որոնք կարող են դառնալ հնդիկ, պակիստանցի, արաբ, հրեա, ասորի, թուրք...և հատկապես ոչ քրիստոնյա ազգերի բնակավայր,,:

Այն, որ Հայաստանը ժողովրդագրական աղետի առջև է ուզում կանգնեցնել ներկա իշխանությունը, փաստ է, սակայն, թե որքանով կկարողանա իրականացնել իր այս ցանկությունը՝ այլ հարց է: Հուսանք, որ մեր անվտանգության համար լրջագույն վտանգ ներկայացնոց իշխանական այս ծրագիրն իրականություն չի դառնա: Այս առումով տասնամյակներ արդեն կրակն է ընկել ծերուկ Եվրոպան:

…Ասենք, պատկերացնու՞մ եք, որ մի քանի տարի անց Երևանի քաղաքապետը մուսուլման լինի: Օրինակը մառախլապատ Ալբիոնը տալիս է:

Եվ ոչ միայն…

Հեղինակ՝  Ա.Ե.

Աղբյուր` Փաստինֆո