Փաստ ինֆո

ԱԺ «Իմ քայլը» խմբակցության պատգամավոր Սասուն Միքայելյանը կառավարությանն առաջարկում է թույլատրել ընտանեկան միջոցառումներն անցկացնել ոչ թե 40 հոգանոց կազմով, այլ 60։ ԱԺ հատուկ նիստում այսօր Սասուն Միքայելյանը՝ հարց ուղղելով ՀՀ փոխվարչապետ, պարետ Տիգրան Ավինյանին։

«Մենք սպեցիֆիկ ժողովուրդ ենք։ Կան Հարյուրավոր մարդիկ, որ նշանվել են, չեն կարողանում ամուսնանալ։ Ես չեմ հասկանում՝ էդ 40-ի ու 60-ի մեջ ինչ տարբերություն կա։ 60-ի դեպքում մենք կարանք տեղավորվենք և էդ հարցը լուծենք։ Հետագայում կլինի 80-100, դա հետագայի խնդիր է։ Էսօրվա դրությամբ ես առաջարկում եմ, որ 40-ը դարձվի 60։ Տնտեսվարողների համար թող հնարավորինս ավելի խստացում լինի, որ էս-էս չափանիշներով պիտի աշխատեն, կարգ ու կանոնը պահեն։ 60 հոգանոց հարսանիքները կարելի է թույլատրել փակ տարածքներում՝ սեղանները հեռավորության վրա դնելով»,- ասաց Սասուն Միքայելյանը։

Փոխվարչապետ Տիգրան Ավինյանն ասաց, որ իրականում նախնական տարբերակով առաջարկվում էր թույլատրել 30 հոգով միջոցառումների անցկացումը, քննարկումների արդյունքում թիվը ևս 10-ով ավելացվեց։

«Այսինքն՝ ենթադրվում է, որ նույնիսկ հարսանիքները դեռևս այս համաճարակային իրավիճակում հնարավորինս նեղ ընտանեկան կազմով պետք է իրականացվեն»,- նշեց Ավինյանը՝ չբացառելով, որ համաճարակային առումով դրական դինամիկայի շարունակության դեպքում երկու շաբաթ անց կարող է այդ որոշումը փոփոխության ենթարկվել։

«Բայց հիմա չենք ուզում չափից շատ հանգիստ լինել, ավելի մեղմացումներ թույլ տալ, որպեսզի կրկին ստիպված չլինենք էլ ավելի մեծ մեղմացումների գնալ»,- հավելեց Ավինյանը։

Մանրամասները՝ տեսանյութում։

Աղբյուր` Փաստինֆո