Փաստ ինֆո

Մենք կարող ենք շատ նմանություններ տեսնել 2018 թվականի Հայաստանի և այսօրվա Բելոռուսի մեջ։ Տեխնոլոգիաները նույնն են, ցավոք, կարծում եմ, որ Բելոռուսում իրավիճակը թեժանալու է։ Նման կարծիք այսօր հայտնեց «Հայաստան» համահայկական հիմնադրամի նախկին տնօրեն Արա Վարդանյանը։

«ՀՀ վարչապետը շնորհավորել է Բելոռուսի նախագահին՝ «Նիկոլ Փաշինյանի չընտրվելու» կապակցությամբ, քանի որ Բելոռուսում, կարծես թե, նույն պրոցեսներն են գնում։ Շատ հետաքրքիր է հետևել, թե ինչ է տեղի ունենում։ Մենք կարող ենք շատ նմանություններ տեսնել 2018 թվականի Հայաստանի և այսօրվա Բելառուսի մեջ։ Տեխնոլոգիաները նույնն են, ցավոք կարծում եմ, որ Բելոռուսում իրավիճակը թեժանալու է։ Այսօր արդեն գուշակել, թե ինչ ավարտ է ունենալու դժվար է, քանի որ կրկին գործի է դրվել քաղաքական զինանոցի ողջ տեսականին և կարծում եմ, որ դեռևս բախումները կշարունակվեն, թե կկարողանա նորընտիր նախագահը պահել իշխանությունը՝ այս պահի շատ դժվար է կռահել։ Միանշանակ է , որ իրավիճակը դեռևս սրվելու է»։ Ասաց Արա Վարդանյանը՝ լրագրողների հետ հանդիպման ժամանակ։

«Համերաշխություն» կուսակցության նախագահ Սարգիս Ավետիսյանն էլ շատ տրամաբանական է համարում, որ հաջորդ երկիրը որտեղ գլոբալիստները պետք է փորձեին իշխանությունը փոխել պետք է լիներ Բելառուսը։ Հիշեցրեց, որ նախկին Սովետական միությունում վերջին պետությունն է, որտեղ դեռևս իշխանությունը գտնվում է այն մարդկանց ձեռքում, որոնք գալիս են նախկինից։

«Բելառուսը բավականին լավ վիճակում է գտնվում՝ համեմատած մեզ ու այն երկրների, որտեղ տեղի ունեցավ հեղափոխություն, բայց ազատությունների մասով սահմանափակ է։ Բելառուսում գործող տարբեր ամերիկյան կազմակերպություններ իրենց նստավայրը տեղակայել են Վիլնյուսում և այնտեղից էին ղեկավարում։ Բոլոր ակտիվիստները միջամտություններ էին կատարում Բելառուսի հեղաշրջմանը՝ տարբեր Եվրոպական կենտրոններից։ Ակնհայտ է , որ հեղափոխությունները ուղղորդվում են դրսից։ Մեզ համար շատ ավելի պատկերավոր է, որովհետև մենք այդ ճանապարհով անցել ենք և չէի ցանկանա, որ Բելոռուսը հայտնվեր այն վիճակում ինչ-որ մենք, որովհետև ժողովրդին դա բերելու է դժբախտություններ։ Եթե համեմատենք այն ազատությունների հետ, որոնք մենք չունեինք, բայց ունեինք սոցիալ-տնտեսական լավ կարգավիճակ, կարծում եմ, որ երկրորդի օգտին կլինի։ Բելոռուսիայի ժողովուրդը իր ճիշտ դիրքորոշումը արտահայտեց։ Շատ զարմանալի էր, որ Նիկոլ Փաշինյանը նույն Բելոռուսիայի ղեկավարի կողմից համարվում է, որպես գլոբալիստների ներկայացուցիչ, նա օրինակ համեմատում է Զելենսկուն և Փաշինյանին, և հայտարարում, որ Բելառուսում չկան Զելենսիներ և Փաշինյաններ, բայց Փաշինյանը շնորհավորում է նրան։ Սա մեսիջ էր Ռուսաստանին և Սլավոնական աշխարհին, որ ինքը պատրաստ է հետ կանգնել այն գաղափարներից, որի համար իրեն բերել են իշխանության, որի համար կարծում եմ՝ ինքը պատժվելու է»,- ասաց Սարգիս Ավետիսյանը։

Աղբյուր` Փաստինֆո