Փաստ ինֆո

«ՁԻԱՀ կենտրոնն ու Նորք ինֆեկցիոնը մեկը մյուսին հակասող կենտրոններ են։ Շատ լավ հասկանում ենք, որ ՁԻԱՀ կենտրոնում իմունականխարգելիչ միջոցներն ավելի շատ են ու այդ հիվանդներին տանել Նորք ինֆեկցիոն ՝ նշանակում է այդ մարդկանց ավելի խորը հիվանդացնել ու ոչնչացնել»։ «Փաստինֆո»-ի հետ զրույցում այս մասին հայտնեց «Պարացելսուս» ՀԿ նախագահ Նունե Ներսիսյանը՝ անդրադառնալով այն տեղեկությանը, թե երկու կլինիկաներ՝ ՁԻԱՀ-ի ազգային կենտրոնը և «Նորք» ինֆեկցիոնը կմիավորվեն։ Դրան հաջորդեց «Նորք» ինֆեկցիոն կլինիկական հիվանդանոցի տնօրեն Մհեր Դավիդյանցը պաշտոնանկության մասին լուրը։

«Ինչ վերաբերում է Դավիդյանցի հրաժարականին, ապա երբ Թորոսյանի և Արտյոմ Սմբատյանի, Նարեկ Վանեսյանի հետ հեղափոխություն էր անում՝ չգիտե՞ր, որ այդպես է լինելու։ Այն ժամանակ լավ էր, երբ որ Դավիդյանցը անում էր բոլոր հրամանները, բոլոր ՀԿ-ներից եկող գումարները հավաքում, կամ մոտ մեկ տարի առաջ, երբ տեսանյութ հրապարակեցին, երբ Դավիդյանցի մոտ ինչ-որ տնտեսվար գումարներ էր հավաքում՝ չգիտեմ ում ուղղորդելու համար։ Այս ամենը Թորոսյանի ծրագիրն է ու եթե Դավիդյանցը շեղվել է այդ ծրագրից ու միամտաբար հայտարարեց հունվար-փետրվար ամիսների վարակակիրների մասին՝ եկանք հանգեցինք այս իրավիճակին»։

Նունե Ներսիսյանն ասում է, որ խնդիրները սկսվեցին այն օրվանից, երբ Արսեն Թորոսյանը նշանակվեց առողջապահության նախարար։ Ասում է՝ ՁԻԱՀ կենտրոնի տնօրեն է նշանակվել ոմն մեկը, ով Արսեն Թորոսյանի շրջապատից է։

«Նա բժիշկ չէ, ինչպես իր տեղակալը՝ Արսեն Սմբատյանը, հարկային տեսուչ են, ինչն ինձ համար անթույլատրելի է»։
Միավորելով երկու կլինիկաները, Արսեն Թորոսյանը նոր աշխատակիցների է ընդունել, նոր կլինիկական արդինատորների՝ հին ավելի փորձառու մասնագետների փոխարեն,- ասում է նունե Ներսիսյանը՝ հավելելով, որ այդպիսով ռեսուրսի տնտեսում չի եղել։

«Ինքը ծննդատներ է փակում, ինքը ինչ-որ արյունաբանական կենտրոններ է փակում, փակեց հակատուբերկուլյոզային դիսպանսերը, փոխարենը ընդունում է մասնագետների, ովքեր իր շրջապատից են, իր մութ գործերը կանեն ու չեն բարձրաձայնի»։

Նունե Ներսիսյանը՝ որպես առողջապահության կազմակերպիչ, դիմել է նախարարին, որպեսզի կարողանար համավարակի դեմ պայքարեր, սակայն չի ընդունվել իրենց օգնությունը։

«Մեր առողջապահության նախարարն ի սկզբանե ատում է բուժ անձնակազմը։ Եթե նա սիրեր իր բժշկական հասարակությանը, նա այսպես չէր վերաբերվի։ Հենց մեկը վերցնենք ՁԻԱՀ կենտրոնի մասնագետներին։ Բերեց ինչ որ ջահել, նոր ավարտած կադրեր։ Փառք Աստծո, այդ երեխաները կարողանում են աշխատանք գտնել, բայց այն էլ այս ժամանակահատվածում այսպես չպետք է լինի։ Նախարարը ատում է բուժաշխատողներին և որքան կարող է վարկաբեկում է հայտնի բժիշկներին ու իր շրջապատի մարդկանց բերելով կարողանում է տարբեր տեսակի ՀԿ-ներից եկող գումարները և փաստաթղթերի հարցը լուծել։ Ուրիշ բացատրություն դրան չկա»։

Աղբյուր` Փաստինֆո